Content de lai

Secondary menu hpe lai

Yehowa Sakse Ni

Kachin

Karai Kasang A Mungdan Gaw Hpa Rai Ta?

Karai Kasang A Mungdan Gaw Hpa Rai Ta?

Nang gara hku chye na ai kun?

  • Myit masin kata hta nga ai lama ma kun?

  • Maumwi langai sha rai kun?

  • Sumsing lamu hta nga ai asuya kun?

 CHYUM LAIKA HTA TSUN DA AI LAM

‘Sumsing lamu na Karai Kasang gaw, prat dingsa e nhten n mat ai mungdan de da na.’—Daniela 2:44.

“Anhte hpe shadang sha jaw mi ai: shi a lahpa ntsa e up ai ahkang mara nga na.”—Esaia 9:5.

CHYUM LAIKA HTA NA NANG LU LA MAI AI AKYU NI

  • Ding man ai asuya langai kaw na nang akyu ara hkam la mai ai.—Esaia 48:17, 18.

  • Du na ra ai mungkan n nan hta, hkum tsup ai hkamja lam hte, ngwi pyaw ai asak aprat lu la na.—Shingran 21:3, 4.

 CHYUM LAIKA HTA TSUN DA AI LAM NI HPE KAM MAI A NI?

Kam mai ai lam ni nga ai. Nkau mi gaw:

  • Karai Kasang a Mungdan galaw ya na lam ni hpe Yesu galaw dan ai. Yesu gaw shi a sape ni hpe, Karai Kasang a Mungdan du wa na matu hte, shi a myit ra ai hku mungkan ntsa hta, hpring tsup wa na matu akyu hpyi mu, nga nna sharin ya ai. (Mahte 6:9, 10) Dai akyu hpyi ga ni gara hku hpring tsup wa na hpe Yesu madun dan ai.

    Yesu mungkan ga ntsa nga ai laman hta, kawsi hpang gara ai masha ni hpe jaw lu jaw sha ai, machyi ai ni hpe shamai ya ai, si ai masha ni hpe bai jahkrung ya ai. (Mahte 15:29-38; Yawhan 11:38-44) Htawm hpang prat hta, Karai Kasang Mungdan a Hkawhkam byin wa na Yesu gaw, Karai a Mungdan hta, masha ni a matu galaw ya na lam ni hpe, tau hkrau nna galaw dan ai.Shingran 11:15.

  • Mungkan a mabyin masa ni gaw, Karai Kasang a Mungdan du wa sana hpe, sakse madun nga ai. Karai Kasang a Mungdan gaw, mungkan hpe simsa hkra n galaw shi yang, mungkan ntsa hta majan, lu sha hku hku ai hte, n nang nawn ni byin wa na ngu nna Yesu tau hkrau tsun da ai.Mahte 24:3, 7.

    Ya, dai lam ni byin nga sai. Dai majaw, kade n na yang, Karai Kasang a Mungdan gaw, dai manghkang ni yawng hpe, yeng seng kau ya sana ngu ai hpe kam mai ai.

 SUMRU YU GA

Karai Kasang a Mungdan uphkang ai npu hta gara hku asak hkrung lu na ta?

Ndai ga san a matu Chyum Laika mahtai hpe SHAKAWN KUNGDAWN 37:29 hte ESAIA 65:21-23 hta mu lu ai.