Content de lai

Secondary menu hpe lai

Yehowa Sakse Ni

Kachin

Chyum Laika Hpe Nang Gara Hku Mu Mada Ai Rai?

Chyum Laika Hpe Nang Gara Hku Mu Mada Ai Rai?

Nang gara hku shadu ai kun?

  • Shinggyim masha ni a hpaji hte ka da ai laika buk.

  • Maumwi mausa laika buk.

  • Karai Kasang a mungga.

 Chyum Laika Hta Tsun Da Ai Lam.

“Chyum Laika shagu hpe Karai Kasang shatsam ai hte ka da ai.”—2 Timohti 3:16, Kabu Gara Shiga Chyum Laika.

Chyum Laika Hta Na Nang Lu La Mai Ai Akyu Ni

Na a prat hte seng nna, ahkyak ai ga san ni a matu, myit shadik ya lu ai mahtai.—Ga Shagawp 2:1-5.

Na a prat hkrun lam hta kamhpa mai ai lam matsun ni.—Shakawn Kungdawn 119:105.

Htawm hpang prat a matu teng man ai myit mada shara.—Roma 15:4.

 Chyum Laika Hta Tsun Da Ai Lam Ni Hpe Kam Mai A Ni?

Kam mai ai lam ni nga ai. Nkau mi gaw:

  • Na chying mau hpa, myit mang hkrum ai lam. Chyum Laika hpe Shaning 1,600 jan aten ladaw laman hta, masha 40 daram ka da ai. Shanhte law malawng gaw, langai hte langai n hkrum ga ma ai. Rai tim, Karai Kasang a mungdan lam hpe sha, madung tawn nna ka da ai majaw, Chyum Laika gaw shawng hpang myit mang hkrum ai re.

  • Dingman ai Chyum Laika ka ai ni. Labau ka sara ni gaw shanhte amyu ni a awng dang ai lam hpe sha ka ma ai. Rai timung, Chyum Laika ka ai ni gaw, tinang hte tinang amyu ni a hkrat sum ai lam hpe, dingman ai hku ka ma ai.—2 Hkawhkam Labau 36:15, 16; Shakawn Kungdawn 51:1-4.

  • Teng man ai myihtoi ga. Moi prat na Babelon mare kaba hkrat sum na lam hpe Chyum Laika hta, shaning 200 daram tau hkrau tsun da ai. (Esaia 13:17-22) Babelon mare gara hku hkrat sum na hpe sha n ga, awng dang na masha a mying hpe mung, tau hkrau tsun da ai.—Esaia 45:1-3.

Chyum Laika myihtoi ga law malawng gaw, kaji kajaw kaw nna hpring tsup lai wa sai. Dai majaw Chyum Laika gaw, Karai Kasang lam matsun ya nna ka tawn da ai hpe kam mai ai.—2 Petru 1:21.

 Sumru Yu Ga

Chyum Laika gaw na a prat hpe gara hku akyu jaw lu na ta?

Ndai ga san a matu Chyum Laika mahtai hpe ESAIA 48:17, 18 hte 2 TIMOHTI 3:16, 17 hta mu lu ai.