Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Chyum Laika Anhte Hpe Hpa Sharin Ya Ai Kun?

 Daw Shi Manga

Karai Kasang Hkap La Ai Nawku Daw Jau Lam

Karai Kasang Hkap La Ai Nawku Daw Jau Lam

1. Karai Kasang hkap la ai nawku daw jau lam byin na matu kadai sha tsun dan lu ai kun?

NAWKU htung law law gaw, Karai Kasang hte seng ai teng man ai lam hpe sharin ya nga ai nga nna tsun ma ai. Raitim, n mai byin ai. Hpa majaw nga yang, Karai Kasang hpe anhte gara hku nawku ging ai hte, Karai Kasang kadai re ai hpe nawku htung ni sharin ya ai gaw grai shai nga ai. Karai Kasang hkap la ai nawku daw jau lam hpe anhte gara hku chye lu na kun? Yehowa sha shi hpe gara hku nawku na lam anhte hpe tsun dan lu ai.

2. Karai Kasang hpe teng man ai hku nawku lu na matu nang gara kaw na sharin la lu na kun?

2 Yehowa anhte hpe Chyum Laika jaw da ai majaw, shi hpe teng man ai hku nawku na matu sharin la mai ai. Dai majaw Chyum Laika hkaja ra ai. Yehowa nang hpe grai lanu lahku ai majaw shi sharin ya ai kaw nna, akyu lu na matu nang hpe karum ya na re.—Esaia 48:17.

3. Karai Kasang anhte hpe hpa galaw shangun mayu ai kun?

3 Nawku htung yawng hpe Karai Kasang hkap la ai ngu masha nkau mi tsun tim, Yesu dai hku n tsun ai. “Ngai hpe, Madu e, Madu e, nga ai hte yawng mayawng gaw, sumsing lamu na mungdan hta shang lu na ma ai n rai: sumsing lamu hta nga ai, nye Wa a myit hkan ai wa sha, shang lu na ra ai” nga nna tsun ai. Dai majaw, Karai Kasang ra sharawng ai hpe sharin la nna, dai hpe hkan galaw na matu grai ahkyak ai. Hpa majaw nga yang, Yesu gaw Karai Kasang a ga n madat ai ni hpe “n tara ai amu galaw ai ni” hte shing daw da ai.—Mahte 7:21-23.

4. Karai Kasang ra ai hpe galaw na hte seng nna Yesu hpa tsun wa ai kun?

4 Karai Kasang ra ai hpe galaw yang, yakhkak jamjau ai lam ni hkrum wa na re ngu Yesu sadi jaw da ai. “Dai gyip ai  chyinghka hku shang wa mu: kaning rai nme law, hten bya ai de hkrang ai lam gaw, dam lada rai maden nga ai rai nna, dai hta shang mat wa ai ni law la ma ai. Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai” nga nna shi tsun ai. (Mahte 7:13, 14) Gyip ai lam re ai Karai Kasang hpe teng man ai hku nawku ai lam gaw htani htana asak lu na matu lam woi ya ai. Dam lada ai lam re ai Karai Kasang hpe shut ai hku nawku ai lam gaw si ai de lam woi ya ai. Raitim, Yehowa gaw, kadai hpe mung n si shangun mayu ai. Shi a lam sharin la na matu yawng hpe ahkaw ahkang jaw ai.—2 Petru 3:9.

KARAI KASANG HKAP LA AI NAWKU DAW JAU LAM

5. Karai Kasang hpe teng man ai hku nawku ai ni hpe nang gara hku ginhka lu na kun?

5 Karai Kasang hpe teng man ai hku nawku ai ni hpe anhte chye ginhka lu ai ngu Yesu tsun da ai. Shanhte hpa galaw ai, hpa kam sham ai hpe anhte atsawm dinglik yu yang chye lu ai. “Shanhte a asi hte shanhte hpe chye lu na” nga nna shi tsun wa ai. Bai nna, kaja ai hpun shagu gaw kaja ai asi si nga ai nga nna tsun wa ai. (Mahte 7:16, 17) Karai Kasang hpe teng man ai hku nawku ai ni gaw hkum tsup ai ni ngu tsun mayu ai n re. Raitim, shanhte gaw teng man ai hpe galaw na matu galoi mung shakut ai. Karai Kasang hpe teng man ai hku nawku ai ni hpe chye ginhka lu na matu, karum ya ai lam ni hpe yu yu ga.

6, 7. Teng man ai nawku daw jau lam gaw Chyum Laika hta hpa majaw madung tawn ai kun? Yesu a kasi gaw anhte hpe hpa sharin ya ai kun?

6 Anhte a nawku daw jau lam gaw Chyum Laika hta madung tawn ra ai. “Karai Kasang a masha wa gaw hkum tsup rai wa nna, mai kaja ai magam bungli shagu a matu mara, arai chyip makup lang lu u ga, Karai Kasang e shung ya ai Chyum laika shagu gaw, sharin shaga ya ai, daru sharin chye ai, mye shading lu ai hte, dinghpring ai lam hta sharin achyin ya na matu, akyu rawng nga ai” ngu Chyum Laika hta tsun da ai. (2 Timohti 3:16, 17) Kasa Pawlu gaw Hkristan  ni hpe “Anhte kaw nna na la ai Karai Kasang a mung ga hpe nanhte hkam la myit dai shaloi e, masha a ga hpe zawn n rai, gaja wa teng teng rai nga ai hte maren, nanhte kam sham ai ni hta e a shachyen nga ai Karai Kasang a mung ga hpe nanhte hta la ma nit dai” nga nna tsun wa ai. (1 Htesaloni 2:13) Teng man ai nawku lam gaw Chyum Laika hta sha madung tawn ai. Masha myit mang ai lam ni, htung hking ni hte kaga lam ni hta madung n tawn ai.

7 Yesu sharin ya ai lam yawng gaw Karai Kasang a Mungga hta madung tawn ai. (Yawhan 17:17 hpe hti u.) Shi gaw Chyum Laika hpe galoi mung lakap ai. (Mahte 4:4, 7, 10) Karai Kasang a jet ai mayam ni gaw, Yesu a kasi hpe hkan sa ai majaw, Chyum Laika hta madung tawn nna sha sharin ya ai.

8. Yehowa hpe nawku ai lam hte seng nna Yesu anhte hpe hpa sharin ya ai kun?

8 Yehowa hpe sha anhte nawku ra ai. Shakawn Kungdawn 83:17 hta, “Yehowa e, nang hte na a amying chyu sha, ga ting hta e Tsaw Htum nga ai” nga nna tsun da ai. Yesu gaw masha ni hpe teng man ai Karai Kasang gaw kadai re ai hpe chye shangun mayu ai majaw, Karai a amying hpe tsun dan ai. (Yawhan 17:6 hpe hti u.) “Dai Madu, na a Karai Kasang hpe nang naw ku lu na rai nna, shi hpe hkrai daw lu na re ai” nga nna Yesu tsun wa ai. (Mahte 4:10) Dai majaw, Karai Kasang a mayam ni zawn Yesu a kasi hpe anhte hkan sa ai. Yehowa hpe sha anhte nawku ai, shi a amying hpe shaga ai, masha ni hpe Karai Kasang a amying hte shi anhte hpe galaw ya na lam ni hpe tsun dan ai.

9, 10. Anhte shada da tsawra myit gara hku madun na kun?

9 Masha ni hpe teng man ai tsawra myit hte anhte tsawra ra ai. Yesu gaw shi a sape ni hpe shada da tsawra na matu sharin ya ai. (Yawhan 13:35 hpe hti u.) Anhte a htunghking, nga shara, matsan ai, lu su ai lam ni gaw ahkyak n re ai sha, anhte shada da tsawra nna kahpu kanau ni zawn kahkyin gumdin ging ai. (Kolose 3:14) Dai majaw, anhte majan hta n lawm ai, masha n sat ai. “Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai  rai ti mung, ding hpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai” nga nna Chyum Laika hta tsun da ai. Dai sha n-ga, “dai n hkru ai wa hte seng ai Ka-in gaw, shi a kanau hpe sat kau wu ai zawn” anhte n galaw ai sha, shada da tsawra na matu tsun da ai.—1 Yawhan 3:10-12; 4:20, 21.

10 Anhte a ahkying, n-gun atsam hte arung arai ni hpe shada da karum madi shadaw na matu akyu jashawn ai. (Hebre 10:24, 25) Anhte gaw “masha n lang hte hpe mai kaja ai amu galaw nga” ga ai.—Galati 6:10.

11. Karai Kasang hpang sit sa na matu Yesu gaw lam re ai hpe anhte hpa majaw hkap la ra ai kun?

11 Karai Kasang hpang sit sa na matu Yesu gaw lam re ai majaw shi a ga hpe anhte madat ra ai. Chyum Laika hta, “shi hta shaje hkye hkrang la ai lam n nga sai; anhte hkye hkrang la kaw du lu na matu, sumsing lamu a npu, shinggyim masha ni hta jaw ya ai amying ningsang shaje, kanang mung n nga sai” nga nna tsun da ai. (Kasa 4:12) Ndai laika buk a Daw 5 hta, madat mara ai ni a matu Yesu a asak hpe gawng malai jahpu hku nna jaw na matu, Yehowa shangun dat ai lam hkaja wa sai. (Mahte 20:28) Mungkan hpe Hkawhkam hku nna uphkang na matu Yesu hpe Yehowa lata da sai. Dai majaw, anhte htani htana asak lu mayu yang, Yesu a ga madat ra ai lam Chyum Laika hta tsun da ai.—Yawhan 3:36 hpe hti u.

12. Mung masa lam hta anhte hpa majaw n lawm ai kun?

12 Mung masa lam hta anhte n mai lawm ai. Yesu gaw mung masa lam hta n lawm wa ai. Shi tara jeyang hkrum ai shaloi, Roma hkawhkam Pilat hpe “nye a mungdan gaw ndai mungkan ga na n rai li ai” nga nna tsun wa ai. (Yawhan 18:36 hpe hti u.) Yesu zawn Karai Kasang a Mungdan hpe anhte sadi dung ai majaw, anhte gara mungdan kaw nga ai raitim, mung masa lam hta n shang lawm ai. Chyum Laika hta gaw “daru magam ahkang aya lu ai” asuya ni hpe anhte madat mara na matu, tsun da ai. (Roma 13:1) Dai majaw anhte nga ai mungdan a tara ni hpe hkan sa ai. Raitim, Karai Kasang a tara ni hte nhtan shai wa yang gaw, kasa ni tsun wa ai zawn  anhte mung “masha ga madat na hta, Karai Kasang a ga mahtang grau madat na ga ai.”—Kasa 5:29; Marku 12:17.

13. Karai Kasang Mungdan hte seng nna anhte hpa lam ni hkaw tsun ai kun?

13 Karai Kasang a Mungdan sha mungkan manghkang ni hpe hparan ya lu ai lam anhte kam ra ai. Mungkan ting hta “mungdan a kabu gara shi ga” hpe hkaw tsun na nga nna Yesu tsun da ai. (Mahte 24:14 hpe hti u.) Shinggyim asuya n galaw ya lu ai ni hpe Karai Kasang a Mungdan gaw anhte hpe galaw ya na re. (Shakawn 146:3) Yesu gaw “Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law” nga nna Karai Kasang Mungdan hte seng nna akyu hpyi na matu anhte hpe sharin ya ai. (Mahte 6:10) Karai a Mungdan gaw shinggyim asuya yawng hpe agrawp kau nna, “dai nan htani htana a grin nga na” re nga nna Chyum Laika hta tsun da ai.—Daniela 2:44.

14. Karai Kasang hpe teng man ai hku kadai ni nawku nga ai kun?

14 Lahta na lam ni hpe hkaja ngut ai hpang, tinang hkrai ndai hku san yu u: ‘Kadai ni gaw Chyum Laika hpe madung tawn nna sharin ya ma ai kun? Kadai ni gaw Karai Kasang a amying hte seng ai lam tsun dan ma ai kun? Kadai ni gaw teng man ai tsawra myit hpe shada da madun nna, Yesu gaw Karai Kasang shangun dat ai anhte a hkye la madu re ai hpe kam ai kun? Kadai ni gaw mung masa lam hta n lawm ai kun? Anhte a manghkang ni hpe Karai Kasang a Mungdan sha hparan ya lu ai lam kadai ni hkaw dan nga ma ai kun?’ Yehowa Sakse Ni gaw dai hku galaw nga ma ai.—Esaia 43:10-12.

NANG HPA GALAW NA KUN?

15. Karai Kasang hkap la ai nawku daw jau lam rai na matu anhte hpa galaw ra ai kun?

15 Karai Kasang nga ai hpe kam ai hte sha n mai ai. Nat ni pyi Karai Kasang nga ai hpe kam ma ai. Raitim, shanhte Karai Kasang a ga n madat ma ai. (Yaku 2:19) Karai Kasang hkap la ai nawku daw jau lam rai na matu, shi nga ai hpe kam ai sha n-ga shi tsun ai hku mung hkan galaw ra ai.

16. Shut ai nawku htung hpe anhte hpa majaw nyet kau ra ai kun?

 16 Anhte a nawku daw jau lam hpe Karai Kasang hkap la na matu, shut ai nawku htung hpe nyet kau ra ai. “Dai mare kata na pru wa mu . . . tinang hkum hpe jasan jaseng mu” nga nna myihtoi Esaia ka da ai. (Esaia 52:11; 2 Korinhtu 6:17) Dai majaw, shut shai ai nawku htung hte matut manoi nga ai lam yawng hpe nyet kau ra ai.

17, 18. “Galu kaba ai Babelon” gaw hpa rai a ta? Dai hpe nyet kau na matu hpa majaw ahkyak ai kun?

17 Shut ai nawku htung ngu ai gaw hpa rai kun? Karai Mungga hte nhtan shai nna nawku na matu sharin ya ai nawku htung yawng hpe tsun mayu ai re. Chyum Laika hta shut ai nawku htung yawng hpe “galu kaba ai Babelon” nga nna tsun da ai. (Shingran 17:5) Hpa majaw kun? Noa prat Sha-u Ing ngut ai hpang, shut ai nawku htung lailen law law gaw, Babelon mare kaw nna hpang wa ai. Dai shut shai ai lam gaw mungkan ting chyam bra mat ai. Ga shadawn, Babelon hta nga ai ni gaw masum raitim langai karai hpe nawku ma ai. Daini mung nawku htung law law hta, Karai Kasang gaw masum raitim langai (Trinity) nga nna sharin ya nga ai. Raitim, teng man ai Karai Kasang gaw Yehowa langai sha rai nna, Yesu gaw shi a Kasha re ai hpe Chyum Laika hta asan sha tsun da ai. (Yawhan 17:3) Babelon mare hta nga ai ni gaw masha si mat tim lama ma naw asak hkrung nga nna, dai gaw ngarai hta zingri hkrum ai lam hpe mung kam ma ai. Dai gaw n teng ai.—Jahtum Matsing 14 hte 17 hpe yu u.

18 Kade n na yang, shut ai nawku htung yawng gaw agrawp shamyit hkrum na lam, Karai Kasang tau hkrau tsun da ai. (Shingran 18:8) Shut ai nawku htung kaw nna alawan pru na matu grai ahkyak ai. Yehowa gaw nang hpe hpang n hkrat shi yang, alawan pru shangun mayu ai.—Shingran 18:4.

Yehowa hpe shi a masha ni hte rau nawku yang mungkan grup uhpung a hpung shang masha langai nang byin wa na

19. Yehowa hpe nawku na matu daw dan ai shaloi, shi nang hpe gara hku lanu lahku ya na kun?

19 Yehowa hpe nawku na matu, shut ai nawku htung kaw nna pru ai shaloi, manang nkau mi (sh) nta masha ni gaw,  nang hpe chye na yang she chye na ya na. Dingbai dingna pyi jaw wa chye ai. Raitim, Yehowa nang hpe n kabai da ai. Jet ai tsawra myit hte shada da tsawra nga ai wan hku law ai mungkan grup uhpung a hpung shang masha langai nang byin wa na. Karai a mungkan nnan hta htani htana asak hkrung lu na matu myit mada lam mung nga wa na re. (Marku 10:28-30) Yehowa hpe nawku na matu nang dawdan ai hpe ninghkap wa ai nta masha nkau mi hte manang nkau mi gaw, hpang hta Chyum Laika hkaja ai ni pyi byin wa chye ai.

20. Karai Kasang hpe teng man ai hku nawku na matu hpa majaw ahkyak ai kun?

20 Kade n na yang, Karai Kasang gaw n hkru ai yawng hpe yeng seng kau nna, shi a Mungdan gaw mungkan hpe uphkang sana re. (2 Petru 3:9, 13) Dai shaloi, grai ngwi pyaw ai aten byin wa na. Shinggyim masha yawng gaw Yehowa ra sharawng ai hku sha nawku wa na re. Dai majaw, Karai Kasang hpe ya kaw nna teng man ai hku nawku na matu grai ahkyak ai.