Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Nye a Chyum Laika Maumwi

Nye a Chyum Laika Maumwi
Ma kasha hte yesu ga shaga nga ai

Ndai laika buk gaw, teng teng byin ai maumwi ni re. Ndai maumwi ni hpe mungkan hta, grau htum ai, laika buk chyum Laika kaw na la kap nna shaw la tawn ai. Dai maumwi ni gaw Karai Kasang shawng nnan hpan da ai aten kaw nna, anhte a aten du hkra byin wa ai, mungkan labau ni a lam hpe madun tawn ai. Htawm hpang e, Karai Kasang galaw ya na nga ai, ga sadi ni a lam hpe pyi tsun tawn da ai.

Ndai laika gaw chyum Laika buk ting tsun mayu ai ga manaw hpe chye na shangun ai.Chyum Laika kaw na masha ni hte, shanghte galaw lai wa sai lam ni hpe, tsun dan ai. Karai Kasang gaw shinggyim masha ni hpe, ginding aga ntsa na Hparadisu kaw e, htani htana asak hkrung nga lu na nga ai myit mada lam hpe mung madun tawn ai.

Ndai laika buk hta e, maumwi 116 lawm ai. Dai hpe daw matsat hku nna garan tawn ai. Daw shagu a shawng na laika man hta, dai daw hta mu lu na lam ni hpe, kadun ai hku tsun da ai. Maumwi ni hpe labau hta byin ai masa hte maren langai hpang langai madun da ai. Byin ai masa langai hte langai matut ai majaw, byin ai masa langai mi gaw labau a gara aten daram hta byin ai lam hpe chye na na matu karum ai.

Maumwi ni hpe loi ai ga hte ka da ai majaw, naw kaji ai nanhte a ma ni hkrai mung hti lu na re. Nanhte kanu kawa ni mung ndai maumwi hpe kahtap nna hti dan yang, ma kaji ni ra sharawng ai hpe mu lu na re. Ndai laika buk hta ma kaji ni hte, asak kaba ai ni a matu grai myit lawm na zawn re ai lam ni mu na re.

Maumwi shagu a jahtum hta la kap nna shaw tawn ai, Chyum Laika daw ni hpe madun tawn ai. Ndai maumwi ni a ru di Chyum Laika daw ni hpe hti na matu n-gun jaw mayu ai.

Ndai laika na la kap shaw tawn ai Chyum Laika gaw ga shing ni re. Ma kaji ni aloi sha chye na lu na matu, loi ai ga hte ka da ai. Maumwi langai htum shagu hta, Chyum Laika daw ni hpe madun tawn ai majaw, gara Chyum Laika daw na re ai hpe chye lu ai.