Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 115: Ginding Aga Na Hparadisu Ningnan

Maumwi 115: Ginding Aga Na Hparadisu Ningnan

Ndai hpun kaba ni, tsawm la ai nampan hpun ni, tsaw ai bum ni hpe yu yu mu. Tsawm htap nga ai nrai ni? Ma kaji gaw lata hte jaw yang sha nga ai shan nga hpe yu dat u. Tsing du pa kaw e, hkanghkyi hte, tsap nga ai gumra ni hpe yu dat mu. Ndai zawn re ai shara kaw gap tawn ai nta kaw nnga mayu a ni?

Karai Kasang gaw nanhte hpe ga ntsa na Hparadisu hta prat tup nga shangun mayu ai. Bai nna dai ni na masha ni hkrum ai machyi ka-ut ai lam nanhte hta byin na nrai. Hparadisu kaw nga na masha ni dai zawn byin tai lu na re, nga nna Chyum Laika gaw ga sadi tawn da ai: ‘Karai Kasang gaw: Shanhte hte rau nga na re. Si ai, hkrap ai, machyi ai lam ni nnga sai. Shawng na lam nga manga hte lai mat wa sai.’

Ndai daram kaja ai lam ni byin tai wa hkra Yesu yu lajang na re. Gara aten hta byin tai wa na kun? Teng ai. Nhkru ai lam ni, tara nlang ai masha ni yawng hpe ga ntsa na yeng seng kau ai hpang e rai na re. Matsing a ni? Yesu ga ntsa kaw naw nga nga yang, masha ni hkrum ai ana zinli amyu myu hpe shamai ya ai. Karai Kasang mungdan a hkawhkam tai wa ai shaloi, mungkan ting hta shi kaning rai galaw na re, ngu ai lam kumla madun ai re.

Ginding aga na Hparadisu ningnan hta kade daram pyaw na hpe myit yu u. Yesu gaw shi lata la ai masha ni hte sumsing lamu kaw na mungkan ga hpe up hkang na re. Dai hkawhkam ni gaw ga ntsa na masha shagu hpe yu lajang na re. Ndai Hparadisu kaw e, htani htana asak hkrung nga lu na teng teng ahkang Karai Kasang kaw na lu hkra anhte hpa galaw ra ai lam hpe matut yu yu ga.

Shingran 21:3, 4; 5:9, 10; 14:1-3.

Hparadisu langai a yu ginra