Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 111: Yup Pyaw Mat Wa Ai Lasha

Maumwi 111: Yup Pyaw Mat Wa Ai Lasha

E e hpa byin nga ai kun? Kaleng taw nga ai lasha gaw grai machyi mat ai kun? Yu dat u. Nta kaw na pru wa ai masha langai mi gaw Pawlu re. Timohti hpe mung mu a ni? Ndai lasha gaw hkuwawt hku kaw na di hkrat ai re ni?

Pawlu sa wa nna Utuhku hpe hkrung rawt hkra galaw ya ai

Teng ai. Hkuwawt hku kaw na di hkrat ai. Troa mare kaw Pawlu gaw sape ni hpe hkaw tsun nga ai. Hpang shani e Sanghpawli hte, hkawm wa na rai nna, shanhte hpe aloi sha bai hkrum lu na nre ai lam Pawlu chye ai. Dai majaw shana yuptung du hkra shanhte hpe hkaw tsun nga ai.

Ndai lasha a amying hpe Utuhku nga ma ai. Shi gaw hkuwawt hku hta yup nga dung nga ai. Shi yup pyaw mat nna, nta htap masum tsaw ai dai hkuwawt kaw na di hkrat ai. Dai rai nna masha ni gaw grai tsang nga ma ai. Masha ni gaw dai lasha hpe sharawt yu ai shaloi, shanhte tsang ai hte maren byin nga ai. Shi si mat sai.

Lasha si mat ai hpe Pawlu mu jang shi a ntsa e hkum mara ahpum dat ai. Bai nna ‘hkum tsang mu, shi bai kaja wa sai,’ nga nna tsun ai. Teng sha bai kaja wa ai. Mauhpa kumla langai re. lasha bai hkrung wa hkra Pawlu galaw dat ai. Masha wunawng hpung ni gaw kabu mat ma ai.

Shanhte ntsa htap de bai lung wa nna lusha sha nga ma ai. Pawlu mung jahpawt nhtoi htoi hkra matut nna hkaw tsun dan ai. Raitimung Utuhku gaw kalang bai n-yup nga sai. Dai hpang e Pawlu yan Timohti hte bu hkawm manang ni Sanghpawli kaw lung jawng ma ai. Shanhte gara de sa wa ma ai hpe chye a ni?

Masum lang ngu na Pawlu a kabu gara shi ga hkaw tsun na lam ngut na aten ni wa sai. Dai majaw shi nta de wa mat sana re. Shi a bu hkawm ai lam hta Ehpesu mare kaw chyu masum ning nga kau sai. Dai majaw lahkawng lang ngu na kabu gara shiga hkaw tsun na matu hkawm sa ai hta grau nna aten na mat ai.

Troa mare kaw na pru wa ai hpang Sanghpawli Melitu mare hta jahkring mi hkring sa ma ai. Ehpesu mare gaw dai shara kaw na kade ntsan sai majaw Pawlu gaw Ehpesu hpung salang ni hpe Melitu mare kaw hpang jahtun hku nna aga sa shaga na matu htet dat ai. Dai hpang Sanghpawli pru wa na aten du sai rai nna Pawlu hte nja nhpra yawn let hka mat wa ma ai.

Hpang jahtum e Sanghpawli gaw Kesare mare kaw du wa ai. Pawlu gaw sape Hpilip a nta hta wa nga nga ai shaloi, myihtoi Agabu sa wa nna Pawlu hpe sadi jaw ai. Pawlu Yerusalem mare de du jang bawng masha tai na ra ai, nga nna tsun ai. Tsun ai hte maren byin wa ai. Kesare htawng hta lahkawng ning rawng ai hpang Roma hkawhkam Kehta kaw mara hpyi raw na matu Roma de sa dat ma ai. Roma mare de sa ai lam hta kaning rai hkrum kadup ai hpe yu yu ga.

Kasa daw kaba 19 kaw na 26.