Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 99: Ntsa Gawk Kaw Nga Ma Ai Shaloi

Maumwi 99: Ntsa Gawk Kaw Nga Ma Ai Shaloi

Ndai aten gaw lahkawng ya na ai hpang, bat hpang mali ya shana re. Yesu hte shi a kasa 12 ni gaw shalai wa poi sha na matu, ndai gawk kaba hta e du nga ma ai. Nanhte mu ai hte maren shingan de pru mat wa ai masha gaw Yuda- iskarut re.Yesu hpe gara hku rim la lu na lam hkinjawng ni hpe sa tsun dan ai.

Madu a shana shat sha poi

Shawng shani e sha Yuda gaw shanhte hpang de sa nna: ‘Yesu hpe rim karum ya yang, nanhte ngai hpe hpa jaw na ma ni’ nga nna san ai. Shanhte gaw, ‘gumhpraw sum shi jaw na,’ nga nna tsun ma ai. Dai majaw ya Yuda gaw dai masha ni kaw sa nna shanhte hpe Yesu hpang de shaga sa wa na re. Grai hkrit hpa amu n re a ni?

Shalai wa sai lusha poi gaw ngut mat sai. Raitimung Yesu ya laksan lusha poi langai mi hpe bai galaw ai. Shi a kasa ni hpe muk tawng langai mi gran jaw nna: ‘Ndai hpe sha mu, ndai gaw nanhte a matu ya kau na ra ai nye a hkum hte ga shadawn ai,’ nga nna tsun ai. Dai hpang tsabyi gawm langai mi jaw nna: ‘Ndai hpe lu mu, ndai gaw nanhte a matu ru kau na ra ai nye a sai hpe ga shadawn ai,’ nga tsun ai. Chyum Laika gaw ndai poi hpe ‘madu a shana shat sha poi,’ nga ma ai.

Israela masha ni shalai wa ai poi hpe sha ai gaw Egutu mung kaw nga ai shaloi shanhte a nta ntsa kaw na Karai Kasang a lamu kasa ni lai wa nna, Egutu masha ni a nta na kasha alat ni sat kau hkrum ai lam hpe myit dum na matu re. Raitimung Yesu gaw shi a hpang hkan ai ni hpe shanhte a matu kaning rai nna shi a asak hpe jaw kau ai lam hpe myit dum shangun mayu ai. Dai majaw shaning shagu ndai laksan shana shat sha poi hpe galaw na matu shanhte hpe htet da ai.

Madu a shana shat sha poi hpe sha ngut ai hpang, Yesu gaw shi a sape ni hpe tsun ai. Magrau grang mu. Makam masham hta ngang kang mu, nga ai. Dai hpang e Karai Kasang hpe shakawn ai mahkawn mahkawm nna, shanhte pru mat wa ai. Shana ahkying e rai sai. Yup tung hpawa pyi lai wa sai. Shanhte gara de sa wa a ni? Yu yu ga.

Mahte 26:14-30; Luka 22:1-39; Yawhan daw kaba 13 kaw na 17; 1 Korinhtu 11:20.