Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 87: Ma Kaji Yesu NawKu Htingnu Kata Du Nga Ai

Maumwi 87: Ma Kaji Yesu NawKu Htingnu Kata Du Nga Ai

Lasha langai mi asak kaba ai masha ni hte, aga shaga nga ai hpe yu yu mu. Shanhte gaw Yerusalem mare na Karai Kasang a nawku htingnu na sara ni rai ma ai. Dai lasha gaw Yesu re. Shi tsawm ra kaba wa sai. Ya asak 12 ning rai sai.

Karai Kasang a lam ni, bai Chyum Laika hta ka da ai lam ni hpe Yesu law law chye ai majaw dai sara ni grai mau ma ai. Raitimung Yosep hte Mari mung hpa rai ndai shara hta nnga ma ni? Shan kanang e du nga ma ni? yu yu ga.

Ma kaji Yesu gaw sara ni hte ga shaga ai

Yosep gaw shaning shagu galaw ai shalai wa ai ngu ai ahkyak ai pio shang na matu shi a dum nta masha ni hte Yerusalem mare de sa ma ai. Nazaret hte Yerusalem lapram lam tsan nga ai. Kadai mung Mawdaw ka nlu ma ai. Wang leng mung nnga ai. Dai aprat e dai baw nnga ai. Masha law malawng lagaw lam hkawm ma ai. Yerusalem mare de du na matu masum ya na ai.

Yosep hta shayi shadang sha law law lu ai. Dai rai nna Yesu hta kanau ni, kajan ni lu ai majaw Yosep hte Mari gaw bau maka ra ai. Shing rai Yosep hte Mari gaw kasha ni hte grai tsan ai Nazaret dum nta de nhtang wa ma ai. Kaga rau wa manang ni hte Yesu lawm nga a dawng, nga nna myit ma ai. Raitimung lani mi hkawm wa nna wa hkring sa ai shara hta Yesu hpe nmu ma ai. Jinghku ni hte manaw manang ni kaw tam ma timung Yesu nlawm wa ai. Dai majaw Yerusalem de bai nhtang sa nna shi hpe hkan tam ma ai.

Hpang jahtum hta sara ni a lapran e, Yesu hpe mu ai. Yesu gaw sara ni tsun ai ga hpe madat nga ai. Ga san ni mung san ai. Shi dai daram nyan hpaji chye ai hpe masha yawng mu nna mau nga ma ai. Raitimung Mari gaw: ‘Nye kasha e, hpa rai ningdi mi ta? n wa hte nu ngai sha hpe myit ru myit tsang hte hkan tam ga ai,’ nga nna tsun ai.

Yesu gaw ‘ngai hpe hpa rai hkan tam myit ta? nye wa a nta kaw nga mai ai nan n chye ma ni?’ nga nna htan ai.

Teng ai, Karai Kasng a lam hpe sharin la lu ai shara hta Yesu nga mayu ai. Anhte mung ndai zawn re ai myit rawng yang kaja ai nrai ni? Yesu gaw Nazaret mare kaw bat shagu nawku zup- hpawng sa ai. Shi atsawm sha madat la ai majaw, Chyum Laika grai chye ai. Anhte mung Yesu hte bung lu hkra shi a kasi ningli hkan nang ga.

Luka 2:41-52; Mahte 13:53-56.