Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 54: N-Gun Ja Dik Ai Masha

Maumwi 54: N-Gun Ja Dik Ai Masha

Mung kan hta e, n-gun ja dik ai wa a amying hpe chye a ni? Samson ngu ai tara agyi langai mi re. Samson n-gun ja ai gaw Yehowa jaw tawn ai re. Samson rai n shangai wa ai shawng kaw nna shi a kanu hpe ning nga nna tsun ai: ‘Nang kade nna yang shadang sha langai mi lu na ndai; shi gaw Israela masha ni hpe, Hpilisti masha ni a lata na hkye la ai hta, woi awn na ra ai,’ nga ai.

Samson hte hkanghkyi gasat hkat hkat nga ai

Hpilisti masha ni gaw Hkanan mung na nhkru ai masha ni rai ma ai. Shanhte hta hpyen la grai law ai hte, Israela masha ni hpe zing ri shatsang ma ai. Lani mi hta e, Samson gaw Hpilisti masha ni nga shara de, sa wa yang lam e hkanghkyi langai mi shabam nna shi hpang de sa wa ai. Raitimung Samson gaw lata hta hpa nlang ai sha hkanghkyi hpe sat kau lu ai. Nhkru ai Hpilisti masha ni hpe tsa lam hku na sat kau ai.

Dai hpang e Samson gaw Delila ngu ai num sha langai mi hte tsaw ra hkat ma ai. Hpilisti ningbaw ni gaw Delila hpe Samson hta hpa majaw dai daram n-gun ja ai lam hpe tsun dan yang langai hpra gumhpraw 1100 ya na nga ga sadi jaw ma ai. Delila gaw dai gumhpraw hpe ra marin ai. Shi gaw Samson shing n rai Karai Kasang a amyu masha ni a jinghku jet nre. Dai rai nna Samson hta hpa majaw n-gun ja ai lam tsun dan hkra aput shatsang ai.

Delila hte Samson

Hpang jahtum Samson gaw shi a n-gun atsam hte seng nna law law ningip ginshim da ai lam Delila hpe tsun dan kau ai. ‘Nye a kara hpe kalang mi mung grai ndoi yu ai. Ngai shangai wa ai kaw nna Karai Kasang gaw ngai hpe Nazari masha nga nna ahkyak ai mayam galaw na matu, lata san da ai. Nye a kara hpe doi kau jang Nye a n-gun atsam htum mat na re,’ nga nna tsun dan kau ai.

Delila gaw ndai lam hpe chye jang Samson hpe shi a lahpyen hta yup shangun dat ai. Dai hpang e masha langai mi hpe kata de shaga la nna, Samson a kara hpe rep la shangun ai. Samson yup hprang wa ai shaloi shi a n-gun n nga mat sai. Dai hpang e Hpilisti masha ni shang wa nna, shi hpe rim kau ma ai. Bai nna shi a myi hpe achyaw baw kau ya ma ai. Shing rai shanhte a mayam shatai la ma ai.

Shadaw kaba hpe Samson htu kanawng jahkrat ai

Lani mi hta Hpilisti masha ni gaw shanhte a karai Dagon a matu, poi kaga galaw ma ai. Shanhte gaw Samson hpe htawng kaw na shapraw la nhtawm, ginsup shala chyi ma ai. Dai aten e Samson a kara bai galu wa sai. Samson gaw shi hpe lata dun nna woi hkawm ai la kasha hpe tsun ai: ‘Dagon htingnu hpe madi tawn ai shadaw kaba de woi sa rit,’ nga nna tsun ai. Bai nna Samson gaw Yehowa kaw n-gun atsam kaba hpyi nhtawm, shadaw hta jum dat ai. Bai nna ‘Hpilisti masha ni hte ngai rau si wa ni ga’ nga nna jahtau tsun dat ai. Dai poi hta e Hpilisti masha 3,000 nga nga ma ai. Samson gaw shadaw kaba hpe ahpum nna, jahten dat ai shaloi daw agrawp wa nna, dai kaw nga ai nhkru ai masha ni yawng si mat ma ai.

Tara agyi daw kaba 13 kaw na 16.