Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 53: Yephta A Ga Sadi

Maumwi 53: Yephta A Ga Sadi
Yephta a shayi sha

Ga sadi jaw ngut ai hpang e ga sadi hte maren hkan shatup yang yak ai lam nanhte hta mung byin yu a ni? Ndai sumla na masha wa gaw dai zawn byin yu ai. Dai majaw shi grai yawn nga ai. Shi gaw Israela mung dan a magrau grang ai tara agyi Yephta ngu ai wa re.

Yephta gaw Israela amyu ni, Yehowa hpe nnaw ku mat ai prat langai mi hta e asak hkung ai. Israela masha ni gaw nshawp nkap ai amu ni bai galaw nga masai. Dai majaw Yehowa gaw shanhte hpe Amon masha ni e zing ri na matu ahkang jaw dat ai. Dai rai nna Israela masha ni, Yehowa hpe, bai hpyi jahtau ma ai: ‘Madu hpe shut kau saga ai; anhte hpe hkye la mi,’ nga nna tsun ma ai.

Yephta hte shi a masha ni

Masha ni gaw shanhte galaw shut kau ai nshawp nkap ai lam a majaw yawn nga ma ai. Yawn ai lam sakse hku nna, Yehowa hpe bai nawku wa ma ai. Yehowa mung shanhte hpe bai karum la ai.

Nshawp ai Amon masha ni hpe, gasat na matu Yephta hpe masha ni lata la ma ai. Yephta mung hpyen gasat ai hta Yehowa a karum ai hpe grai ra sharawng ai. ‘Amon masha ni hpe gasat awng dang nna bai nhtang wa yang ngai hpe hkap tau la na matu, nye nta na shawng nnan pru wa ai masha madu hpe jaw na,’ nga nna Yehowa hpe ga sadi jaw kau ai.

Yehowa mung Yephta a ga sadi hpe madat ya nna, majan awng dang na matu, karum ya ai. Yephta gaw nta de nhtang wa ai shaloi, shi hpe hkap tau la na matu, shawng nnan e, kadai wa pru wa ai hpe chye a ni? Shi a shayi sha shingtai pru wa ai. ‘E! nye a kasha e! yawn na hku hpa baw di dat sata. Wa gaw Yehowa hpe ga sadi jaw kau sai; nmai s habai la lu sai le,’ nga nna yawn dik let hkrap nna tsun ai.

Yephta ga sadi jaw kau ai hpe shi a shayi sha chye ai shaloi nnan e shi mung yawn kau ai. Shi a kawa hte mung, shi a manaw manang ni hte mung hka wa ra sai majaw yawn ai. Shilo ngu ai shara hta nga ai, nawku sum hta e, Yehowa hpe prat tup daw jau ra mat sai. Dai majaw shi a kawa hpe tsun ai: ‘Yehowa hpe ga sadi jaw tawn sai majaw dai ga sadi hpe wa hkan shatup ra ai,’ nga nna tsun ai.

Dai majaw Yephta a shayi sha gaw Shilo mare de sa nna, Yehowa a nawku sum kaw e, prat tup Yehowa hpe nawku ai. Laning mi hta mali ya Israela numsha ni gaw, shi kaw sa nna shi hte pyaw pyaw sa nga chyai ma ai. Yephta a shayi sha hpe masha ni tsaw ra ma ai. Hpa majaw nga yang shi gawYehowa a mayam num kaja tai ai majaw re.

Tara agyi 10:6-18; 11:1-40.