Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 42: Lawze Langai aga Shaga Ai

Maumwi 42: Lawze Langai aga Shaga Ai

Lawze aga shaga ai lam na yu ma ni? ‘N na yu ga ai. Dusat ni gaw ga nchye shaga ai,’ nga nna nanhte htan na ma ai. Raitimung Chyum Laika hta e, lawze langai mi aga shaga wa ai lam hpe ka tawn da ai. Gara hku nna aga shaga wa ai kun? Yu yu ga.

Lamu kasa langai

Israela masha ni hkanan mung shang wa na jin jin rai nga sai. Mawba hkawhkam Balak gaw, israela masha ni hpe hkrit ai. Dai majaw shanhte hpe matsa na matu, hpaji daw chye ai, Balam ngu ai wa hpe shaga shangun ai. Balak gaw Balam hpe gumhpraw law law jaw na nga nna ga sadi jaw ai. Dai majaw Balam gaw shi a lawze hpe jawn nna, Balak hpang de sa wa ai.

Yehowa gaw shi a amyu masha ni hpe, Balam matsa kau na hpe nra ai. Dai majaw nhtu galu lang ai lamu kasa langai mi hpe, shangun dat nna, Balam sa wa na lam hta tsap nna lam pat shangun ai. Balam gaw lamu kasa hpe nmu timung lawze gaw mu ai. Dai majaw lawze gaw lamu kasa hpe koi nna, lai wa na hkyen yu ai. Raitimung hpang jahtum e, lawze gaw lam ntsa kaw hpum taw mat sai. Dai shaloi e, Balam gaw grai matsin pawt kau ai. Lawze hpe mung shing na hte gayat ai.

Dai shaloi Yehowa gaw lawze ga shaga ai hpe Balam na hkra galaw dat ai. ‘Nang ngai e, gayat ai gaw nang hpe hpa di de ta?’ nga nna lawze san ai.

Lawze ntsa na Balam

‘Nang ngai hpe mana shachyoi ndai’ nga nna Balam bai tsun wu ai. Ngai nhtu hpye taw gaw nang hpe sat kau na,’ nga nna bai tsun ai.

Ngai nang hpe shawng de dai zawn galaw yu ga a ni? nga nna lawze bai san ai.

‘N-galaw yu ndai’ nga nna Balam bai htan ai.

Dai shaloi Yehowa Karai Kasang gaw, nhtu lang let lam ntsa e sap nga ai lamu kasa hpe Balam mu hkra galaw dat ai. Lamu kasa gaw: ‘na a lawze hpe hpa rai gayat a ta? Nang sa wa ai lam hpe hkum shingdan na matu, ngai sa wa n ngai. Israela masha ni hpe matsa na matu, n sa mai ai lam de nang sa wa ai majaw, na a lawze ngai hpe nkoi yang gaw, ngai nang hpe sat kau nna lawze hpe mahtang asak jahkrung da se ai,’ nga nna tsun ai.

Balam gaw, ‘ngai shut ni ai. Nang lam ntsa e tsap nga ai hpe ngai nmu kau ai,’ nga nna tsun ai. Lamu kasa gaw Balam hpe dat dat ai. Balam mung Balak hpe hkrum na matu, matut nna sa wa ai. Shi gaw Israela masha ni hpe matsa na matu naw shakut nga ai. Raitimung matsa na malai, shaman ya ai ga tai hkra, masum lang Yehowa galaw dat ya ai.

Bu hkawm laika 21:21-35; 22:1-40; 23:1-30; 24:1-25.