Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 40: Mawshe Lung Hkrung Hpe Kayat Ai

Maumwi 40: Mawshe Lung Hkrung Hpe Kayat Ai

Shaning 10 ning 20 ning 30 ning 39 ning nga nna, lai wa sai. Israela masha ni gaw nam mali e, naw rai nga ma ai. Raitimung dai aten mahkra hte hta Yehowa gaw, shi a amyu masha ni hpe yu lajang nga ai. Shanhte hpe manna muk jahkrat jaw ya ai. Shani e, sumwi shadaw, shana e wan shadaw hte shanhte hpe lam madun wa ai. Dai aten laman e shanhte a hpun palawng nje ai. Shanhte a lagaw ni mung nhpye ai.

Egutu mung kaw na pru wa ai shaning 40 ning a shata man langai hta du nga sai. Israela mashani Ka-de-sha ngu ai shara hta dabang bai wa de nga ma ai. Lai wa sai shaning 40 ning daram hta Hkanan mung de kin-yu dat ai ndai shara kaw na rai nga ai. Mawshe a kana Miriam gaw, Ka-de-sha kaw si mat ai. Lai mat wa ai shawng lang na zawn ya mung yak mang hkang bai byin nga sai.

Masha ni lu ntsin nlu ma ai. Dai majaw masha ni gaw Mawshe hpang de sa wa nna aput angun ma ai: ‘Anhte jau jau e, si mat ga yang pyi kaja sai; anhte hpe Egutu mung kaw nna, hpa mung ntu ai ndai daram yak ai shara de, hpa majaw woi wa ata? Naimam, maihpang si, tsabyi si, sabyin si, mung nnga ai. Lu na ntsin mung nnga ai,’ nga nna tsun ma ai.

Mawshe nlung hpe kayet nga ai

Mawshe hte Arun gaw nawku sum de sa nna, akyu hpyi ma ai shaloi, Yehowa gaw: ‘masha ni hpe jahpawng da u, shanhte a man e, dai nlung hpe aga shaga u; masha hte dusat ni a matu, ntsin law hkra pru wa na ra ai,’ nga nna tsun ai.

Dai majaw Mawshe gaw masha ni hpe jahpawng da nna tsun ai: ‘Karai Kasang hpe nkam hpa ai amyu masha ni e, madat la mu; Arun hte Ngai nanhte a matu, ndai nlung kaw na ntsin shapraw jaw na rai ga ni?’ nga nna tsun ai. Dai hpang dawhkrawng hte nlung hpe lahkawng lang gayat dat ai. Dai shaloi hka shi lwi ai zawn nlung kaw na hka lwi pru wa ai. Masha hte dusat ni yawng hte law hkra lu na matu, ntsin lu ma ai.

Raitimung Yehowa gaw Mawshe hte Arun hpe masin pawt ai. Hpa majaw re ai hpe chye a ni? Mawshe hte Arun gaw nlung kaw na hka pru wa hkra Shan galaw ya ai nga nna tsun ma ai. Ntsin pru wa hkra teng sha galaw ya ai wa gaw Yehowa re. Dai hte seng nna Mawshe hte Arun teng ai hku ntsun ma ai majaw Yehowa gaw shan hpe ari jaw na, nga nna tsun ai. ‘Nan gaw nye a amyu masha ni hpe Hkanan mung de lam woi nna shang lu na myit dai nrai,’nga nna tsun ai.

Israela masha ni Ka-de-sha kaw na pru wa ai grai nna yang, Hora Bum de du ma ai. Dai bum pungding kaw e, Arun si mat ai. Shi si ai shaloi asak123 ning rai sai. Israela masha ni grai yawn ma ai. Dai majaw Arun a matu nthoi 30 ya sharung shayawt ma ai. Shi a kasha Eleaza gaw Israela masha ni a lahkawng ngu na hkinjawng agyi tai wa ai.

Bu hkawm laika 20:1-13, 22-29; Tara jahprang 29:5.