Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Daw 3: Egutu na lawt ai kaw na Shawng nnan na Israela Hkawhkam a prat du hkra

Daw 3: Egutu na lawt ai kaw na Shawng nnan na Israela Hkawhkam a prat du hkra

Mawshe gaw Israela masha ni hpe, Egutu mung e mayam tai ai kaw nna, Sina bum de shaga wa ai. Dai shara hta Karai Kasang gaw shanhte hpe shi a jep ai tara jaw ai. Dai hpang e Mawshe gaw masha 12 hpe shangun dat nna Hkanan mung de kin yu yu shangun dat ai. Raitimung masha 10 ni gaw nkaja ai shi ga hpe wa tsun ma ai. Dai majaw masha ni gaw Egutu mung de bai nhtang wa mayu ma ai. Kam sham ai myit nlaw ma ai majaw Karai Kasang gaw Israela masha ni hpe, ari jaw ai hku nna nam mali e, 40 ning wam hkawm shangun ai.

Hpang jahtum e Israela masha ni hpe Hkanan mung de woi sa wa na matu, Yawshu hpe lata la ai. Shanhte Hkanan mung hpe gasat la lu na matu Yehowa gaw, mauhpa lamik kumla ni madun ai. Yawdan hka lwi nga ai kaw na jahkring dat ai. Yerihko mare hten run hkra galaw dat ai. Bai nna lani mi ting jan hkring nga na hku galaw ya ai. Kru ning na ai hpang Hkanan masha ni a lata kaw nna, mungdan hpe gasat dang la lu ma ai.

Yawshu a prat kaw nna tara agyi ni langai hpang langai Israela masha ni hpe shaning 356 ning up hkang wa ai. Barek, Gidon, Yephta, Samson, Samuela hte tara agyi law law ni a lam hpe anhte chye na lu na re. Bai nna Rahab, Debora, Yaela, Ruhta, Naomi, Delila ngu ai numsha ni a lam hpe mung hti lu na re. Daw MASUM na maumwi labau gaw shaning 396 ning lapran e byin ai lam re.

Ginsum