Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 31: Mawshe Yan Arun Hpara-u Hpe Sa Hkrum Ai

Maumwi 31: Mawshe Yan Arun Hpara-u Hpe Sa Hkrum Ai

Mawshe gaw Egutu mung de bai du wa ai shaloi, shi a kahpu Arun hpe shi mu ai lamik kumla mahkra ni a lam tsun dan ai. Mawshe yan Arun gaw dai mauhpa kumla ni hpe Israela masha ni a man e, madun dan ai shaloi, shan hta Yehowa lawm ai nga nna kam ma ai.

‘Dai hpang e Mawshe yan Arun gaw, Hpara-u hpang de sa ma ai. “Nye a amyu masha ni nam mali e, nawku na matu masum ya dat ya u,” nga nna Israela masha ni a Karai Kasang Yehowa htet dat ai’ nga nna shi hpe tsun ma ai. Raitimung Hpara-u gaw: ‘Yehowa hpe ngai nkam ai; Israela masha ni hpe mung ndat ya lu ai;’ nga nna htan ai.

Masha ni gaw Yehowa hpe nawku na matu, amu kaw na hkring mayu ma ai hpe Hpara-u masin pawt ai. Adip arip di nna amu jat nna galaw shaja shangun ai. Israela masha ni gaw, anhte ndai zawn hkrum ai gaw na a majaw re, nga nna Mawshe hpe mara shagun ma ai. Mawshe gaw grai myit npyaw kau ai. Raitimung Yehowa gaw Mawshe hpe myit hkum tsang u, nga nna tsun ai. ‘Nye a masha ni hpe ndat yang dat hkra, Hpara-u hpe ngai galaw na,’ nga nna Yehowa tsun ai.

Hpara-u a shawng e tsap nga ai Mawshe hte Arun

Dai majaw Mawshe yan Arun gaw, Hpara-u hpang de kalang mi bai sa yu ma ai. Ndai lang shan mauhpa langai mi madun ma ai. Arun gaw shi a dawhkrawng hpe aga de kabai dat yang, lapu kaba byin wa ai. Hpara-u a hpa ji sara ni mung, dawhkrawng hpe kabai dat yang lapu ni tai wa ma ai. Raitimung yu dat u! Arun na lapu kaba gaw, hpaji sara ni a lapu hpe, mayu kau nga ai. Shing rai timung Hpara-u gaw Israela masha ni hpe, rai ndat ya ai.

Dai rai nna Hpara-u hpe sharin shaga na aten du wa ai. Yehowa gara hku galaw na hpe chye ma ni? Egutu mung a ntsa e, ari zinli 10 shing nrai ruyak tsim yam kaba 10 du shangun ai hku nna re.

Ari zinli law law shabyin ai hpang, Hpara-u gaw Mawshe hpe shaga nna: ‘Ari zinli hpe jahkring ya rit; Israela masha ni hpe ngai dat dat ya na nngai,’ nga ai. Raitimung ari zinli ni jahkring kau ai hte, Hpara-u a myit mung bai galai mat ai. Masha ni hpe bai n dat ya ai. Raitimung ari zinli 10 du ai hpang e, Israela masha ni hpe dat ya kau sai.

Ari zinli 10, langai hpra hpe chye ai kun. Anhte yu yu ga.

Pru mat wa ai laika 4:27-31; 5:1-23; 6:1-13, 26-30; 7:1-13.