Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Maumwi 23: Hpara-u A Yup Mang Ni

Maumwi 23: Hpara-u A Yup Mang Ni

Lahkawng ning lai mat wa sai. Yosep gaw htawng kata kaw e, naw rawng nga ai. Tsabyi jau ai wa mung yosep hpe ndum mat sai. Dai hpang lana mi hta e, Hpara-u gaw grai ahkrak kaba ai yup mang lahkawng hpe mu ai. Kaning re lachyum ni re ai kun? nga nna myit mau nga ai. Ndai sum la kaw e, shi yup nga ai hpe mu a ni? Hpang jahpawt e, Hpara-u gaw shi a hpaji chye ai masha ni hpe shaga nna, shi mu ai yup mang a lam, shanhte hpe hkai dan ai. Raitimung yup mang a lachyum hpe, shanhte nlu htai ma ai.

Dai hpang e, tsabyi jau ai wa gaw, Yosep hpe myit dum wa ai. Hpara-u hpe, shi ning nga nna tsun ai: ‘Ngai htawng rawng nga ai shaloi, htawng kata e, yup mang a lachyum hpe, chye htai ai masha langai mi nga ai’ da. Dai rai nna, Hpara-u gaw Yosep hpe htawng kaw na shapraw nna, shi hpang de, shaga la shangun ai.

Hpara-u mung shi ai yup mang a lam Yosep hpe hkai dan ai. ‘Hpum sau tsawm ai dumsu kanu sanit hpe, ngai mu nngai: dai hpang e, grai lasi ai hte n ra hkrai re ai, dumsu kanu sanit hpe, bai mu ai: lasi ai dumsu kanu ni gaw, hpum sau ai dumsu kanu ni hpe sha kau ai,’ da.

Hpara-u yup mang mu ai

Lahkawng ngu na yup mang gaw; ‘mam nhpun langai mi hta na, ja kat ai mam gung si sanit hpe mu nngai; dai hpang e nja kat ai mam gung si sanit hpe mu nnagi; nja kat ai mam gung si ni gaw, ja kat ai , mam gung si ni hpe, mayu kau ai,’ nga nna hkai dan ai.

Yosep mung hpara-u hpe htai dan ai gaw: ‘Yup mang lahkawng a lachyum gaw, maren sha re. Hpum sau tsawm ai dumsu kanu sanit hte, ja kat ai, mam gung si sanit gaw, sanit ning hpe ngu mayu ai. Lasi ai dumsu kanu sanit hte nja kat ai mam gung si sanit gaw, dai hpang sanit ning hpe ngu mayu ai. Egutu mung hta e, nai mam law law lu ai sanit ning du wa na ra ai. De a hpang e hku hku ai sanit ning du wa na ra ai.’

Dai majaw Hpara-u hpe Yosep tsun ai gaw: ‘Nai mam law law lu ai sanit ning a laman hta e, nai mam lahkawn shinggyin na matu, hpaji rawng ai masha langai mi hpe, san tawn da u; dai shaloi du na ra ai sanit ning hta, masha ni lu sha kaw si, kyet hkrum na ma ai n rai.

Hpara-u gaw dai hpaji jaw ai ga hpe, ra sharawng ai. Nai mam lahkawn shinggyin na matu, yosep hpe, san tawn da ai. Yosep gaw Hpara-u hta, kaga Egutu mung hta ahkyak kaba dik ai, masha langai, mi tai wa ai.

Masat ning lai wa ai hpang, hku hku ai shaning laman e, masha nkau mi sa wa ma ai hpe, Yosep mu ai. Kadai ni re ai hpe chye a ni? Shi a kahpu 10 ni rai ma ai. Hkanan mung hta e, hku wa kaba du nna, shanhte a kawa Yaku gaw, Egutu mung de, shangun dat ai. Yosep gaw shi a kahpu ni hpe matsing ai. Raitimung kahpu ni gaw shi hpe n matsing ma ai. Hpa majaw re ai hpe, chye a ni? Yosep gaw asak kaba wa ai majaw re. Bai nna, hpun tawn ai hpun palawng ni mung, grai lak lai mat sai.

Kahpu ni shi kaw sa nna, naw ku na ma ai lam, asak naw kaji yang, shi yup mang mu ai lam hpe, Yosep myit dum ai. Ndai lam ni nanhte , hti lai wa sai hpe, naw myit dum ani? Dai rai nna, Yosep hpe akyu rawng ai lam langai mi a majaw, Karai Kasang gaw Egutu mung de, shangun dat ai hpe, shi chye na ai. Yosep hpa galaw ai hpe, yu yu ga.

Ningpawt Ninghpawng 41:1-57; 42:1-8, 50:20.