Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Nye a Chyum Laika Maumwi

Daw 2: Sahu-ing ai kaw nna Egutu mung na hkrang shaw la ai aten du hkra

Daw 2: Sahu-ing ai kaw nna Egutu mung na hkrang shaw la ai aten du hkra

Shau-ing ai kaw nna, masha marai matsat sha asak lawt lu ma ai. Raitimung aten na wa ai hte maren, masha hking mun nga nna law htam jat wa ai. Shau-ing ai hpang 352 ning hta e, Abraham shangai wa ai. Isak ngu ai la kasha langai mi Abraham hpe jaw ai hku nna, Karai Kasang gaw shi a ga sadi hte maren galaw ai lam hpe anhte mu lu ga ai. Dai hpang Isak a shadang sha lahkawng hta na Yaku hpe Karai Kasang lata la ai.

Yaku gaw nta dinghku kaba lu ai. Shadang sha 12 hte shayi sha ni lu ai. Yaku a shadang sha 10 ni gaw, shanhte a kanau Yosep hpe nju ndawng ai myit rawng nna Egutu mung de, mayam hku nna dut sha kau ma ai. Dai hpang e Yosep gaw Egutu mung hta ahkyak kaba ai mung up du langai mi tai wa ai. Hku wa kaba wa ai shaloi, Yosep gaw shi a kahpu ni myit rai n malai ma ai kun nga nna chye mayu ai majaw, chyam dinglik yu ai. Hpang jahtum e, Yaku a nta masha mahkra, Israela amyu yawng Egutu mung de htawt sa ma ai. Abraham shangai ai hpang 290 ning na jang dai shara de htawt sa ma ai.

Israela amyu masha ni gaw, Egutu mung hta e shaning 215 ning na hkra nga ma ai. Yosep si mat ai hpang e, Egutu mung hta shanhte gaw mayam tai ma ai. Dai hpang e, Mawshe shangai wa ai. Karai Kasang mung Mawshe hpe asung jashawn nna, Israela amyu masha ni hpe Egutu mung kaw na hkrang shaw la ai. Daw LAHKAWNG hta e, shaning 857 ning galu ai labau hpe madun tawn ai.

Yaku a dum nta masha ni Egutu mung de htawt ai