Content de lai

Secondary menu hpe lai

Malawm Ni Hpe Lai U

Yehowa Sakse Ni

Kachin

Prat Hte Magam Zuphpawng Shaman Laika Buk  |  September 2017

 HKRISTAN PRAT HKRUN LAM

Chyoi Pra Ai Nawku Daw Jau Lam Hpe Nang Hpa Majaw Manu Shadan Ai Kun?

Chyoi Pra Ai Nawku Daw Jau Lam Hpe Nang Hpa Majaw Manu Shadan Ai Kun?

Ezekela a shingran hta na nawku htingnu gaw, Yuda bawng masha ni hpe chyoi pra ai nawku daw jau lam bai gawgap na myit mada lam hpe shangang shakang ya wa ai. Hpang jahtum aten hta chyoi pra ai nawku daw jau lam gaw, “bum kaga ni a baw tai wa nna, kawng ni hta grau tsaw” wa ai hte amyu baw yawng hta na anhte ni gaw dai hta shang lawm nga ma ai. (Esa. 2:2) Yehowa hpe nawku daw jau lu ai gaw, laksan ahkaw ahkang re ai hpe nang madun nga ai kun?

CHYOI PRA AI NAWKU DAW JAU LAM A SHAMAN CHYEJU NI:

  • Prat a ahkyak ai ga san ni a mahtai ni, tatut hkan sa mai ai manu dan ai lam ni, teng man ai myit mada lam hte seng ai wenyi nshat ni, law law madi shadaw ya nga ai.​—⁠Esa. 48:17, 18; 65:13; Rom. 15:4

  • Tsawra myit hpring ai mungkan hpunau hpung re.​—⁠Shk. 133:1; Yaw. 13:35

  • Karai a masha ni gaw myit dik shangun ai bungli hpe galaw lu ai laksan ahkaw ahkang nga ai.​—⁠Kasa 20:35; 1 Kor. 3:9

  • “Karai Kasang a ngwi pyaw ai” lam gaw, yak hkak ai aten hta anhte hpe n-gun atsam jaw ai.​—⁠Hpi. 4:6, 7

  • San seng ai myit nsam lu ai.​—⁠2 Tim. 1:3

  • “Yehowa hte jinghku byin lu ai.”​—⁠Shk. 25:14, NW.

Chyoi pra ai nawku daw jau lam hpe manu shadan ai lam gara lam ni hte madun mai na kun?