Content de lai

Malawm Ni Hpe Lai U

 MAHKAWN 63

Anhte Gaw Yehowa A Sakse

Select an Audio Recording
Anhte Gaw Yehowa A Sakse
Yu Na Ni

(Esaia 43:10-12)

  1. 1. Kaga hpara shaje ni,

    Teng man Karai zawn n re.

    Anhte a Karai gaw,

    Atsam kaba ai.

    Hpun nlung hpara ni gaw,

    Sak hkrung ai lam mung n nga.

    Shanhte hpara lam tsun na matu,

    Ngang kang ai sakse tam n mu.

    (CHORUS)

    Yehowa a sakse ni,

    N hkrit gwi gwi hte htawn tsun.

    Yawng hpring tsup wa Yehowa a ga,

    Karai mungga sak hkrung nga.

  2. 2. Karai Yehowa tsun ai

    Nye n-gup kaw na pru ai

    Mungga kaman n rai

    Awng wa na ra ai.

    Teng man tara gaw shalawt.

    Masha ni chye hkra karum.

    Shanhte hkap la yang anhte hte rau,

    Shakawn let hpung shingkang shagrau.

    (CHORUS)

    Yehowa a sakse ni,

    N hkrit gwi gwi hte htawn tsun.

    Yawng hpring tsup wa Yehowa a ga,

    Karai mungga sak hkrung nga.

  3.  3. Karai mying hpe sakse hkam.

    Jahpoi nmai mying ningsang.

    Tara n lang ai wa

    Hpe sadi jaw ra.

    Myit malai lu ai ni hpe,

    Mara raw ya ai Karai.

    Asak madu Wa Yehowa hpe,

    Myit masin mahkra nawku ga.

    (CHORUS)

    Yehowa a sakse ni,

    N hkrit gwi gwi hte htawn tsun.

    Yawng hpring tsup wa Yehowa a ga,

    Karai mungga sak hkrung nga.

(Esa 37:19; 55:11; Eze 3:19 ni hpe mung yu u.)