1. Ngwi pyaw ai Karai Yehowa

Matsan dum ai myit madun dan.

Tsaw myit madun ai hta kabu,

Ra kadawn lam ni lajang ya.

Teng man ai myit malai lu yang,

Akyu hpyi ai ga madat ya.

Tara rap ra, tsaw myit madun.

Ga nhpu re ai hpe chye ya.

2. Mara galaw hkrup ai majaw,

Pu ba myit tsang lam hkamsha yang,

‘Mara hpe raw ya na matu,

Karai hpe shagrit shanem let

Myit rawt let hpyi shawn nga u’ ngu

Madu Yesu sharin ya wa.

Masin pawt ai lam n nga yang,

Myit simsa ai lam hkamsha na.

3. Matsan dum myit madun nga yang,

Shaman chyeju hkamsha lu na.

Shakawn hkrum na majaw n re,

Tsawra myit hte karum ya yang,

Anhte galaw ai yawng mu ai

Yehowa gaw bai jaw ya na.

Matsan chye dum ai ni ngwi pyaw,

Karai a man hta tsawm htap nga.