Content de lai

Malawm Ni Hpe Lai U

 DAW 12

Anhte A Hkaw Tsun Bungli Hpe Gara Hku Hkyen Lajang Nna Galaw Nga Ai Kun?

Anhte A Hkaw Tsun Bungli Hpe Gara Hku Hkyen Lajang Nna Galaw Nga Ai Kun?

Spain

Belarus

Hong Kong

Peru

“Dai mungdan a kabu gara shi ga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai” nga nna Yesu tsun ai. (Mahte 24:14) Mungkan grup hkaw tsun bungli hpe ngut kre hkra gara hku galaw lu na ta? Yesu mungkan ntsa hta nga ai shaloi galaw wa ai hpe, kasi la nna galaw mai ai.​—⁠Luka 8:1.

Masha ni a nta de sa nna hkaw tsun na matu shakut ai. Yesu gaw sape ni hpe nta langai hpang langai sa nna, kabu gara shiga hkaw tsun na matu shaman shakyang ya ai. (Mahte 10:11-13; Kasa 5:42; 20:20, 21) Tsa ban langai hta, kabu gara shiga hkaw tsun ai ni a matu, hkaw tsun na lawk hpe masat da ya ai. (Mahte 10:5, 6; 2 Korinhtu 10:13) Dai zawn sha, ya aten hta mung, anhte a hkaw tsun bungli hpe atsawm sha hkyen lajang da nna, hpung shagu a matu, hkaw tsun na lawk hpe masat da ai. Dai hku galaw ai majaw Yesu hkang da ai ga hte maren “masha ni hpe tsun dan let sakse hkam” lu ai.​—⁠Kasa 10:42.

Masha ni hpe mu mai ai shara yawng hta, hkaw tsun na matu anhte shakut ai. Yesu gaw hka kau, shawa hka htung zawn re ai masha ni nga ai shara ni hta, hkaw tsun nna kasi madun dan ai. (Marku 4:1; Yawhan 4:5-15) Anhte mung lam ntsa hta, hpaga lawk ni hta, gat ni hta mu ai masha ni hpe, Chyum Laika lam tsun dan ma ai. Telephone hte mung tsun dan ai. Anhte a nta htingbu ni, bungli manang ni, jawng manang ni hte jinghku jingyu ni hpe mung, byin mai ai aten shagu hkaw tsun sakse hkam ai. Ndai hku shakut galaw ai majaw kabu gara shiga re ai “hkye hkrang la ai lam” hpe mungkan ting hta na masha wan law law na lu ma ai.​—⁠Shakawn 96:2.

Karai Kasang Mungdan a kabu gara shiga lam hte ndai shiga gaw anhte a htawm hpang prat hte gara hku seng ai hpe nang tsun dan mayu ai marai langai ngai nga ai kun? Ndai myit mada lam jaw ai kabu gara shiga hpe na a matu sha hkum zing da. Kaga masha ni hpe alawan garan jaw u.

  • Gara “kabu gara shiga” hpe hkaw tsun ra na ta?

  • Yehowa Sakse ni gaw Yesu a hkaw tsun lam hpe gara hku kasi la nga a ta?