Content de lai

Malawm Ni Hpe Lai U

 DAW 25

Nawku Htingnu Ni Hpe Hpa Majaw Gawgap A Ta? Gara Hku Gawgap A Ta?

Nawku Htingnu Ni Hpe Hpa Majaw Gawgap A Ta? Gara Hku Gawgap A Ta?

Bolivia

Nigeria, moi na hte ya na

Tahiti

Yesu madung tawn hkaw tsun mat wa ai, Karai Kasang a Mungdan lam hpe Nawku Htingnu hta hkaja ai.​—⁠Luka 8:1.

Teng man ai nawku lam a madung hku lang na matu re. Dai shara kaw madung nna, buga hta kabu gara shiga hkaw tsun ai bungli hpe galaw ai. (Mahte 24:14) Nawku Htingnu ni langai hte langai hkrang hte kaji kaba nbung tim, yawng gaw htap htuk tsawm htap nga ai. Nawku Htingnu langai hpe sha hpung langai hta n ga jawm lang ai mung nga ai. Law htam wa ai hkaw tsun masha, hpung ni a matu lai wa sai shaning ni hta (lani mi 5 daram) Nawku Htingnu mun lam hku gawgap wa sai. Dai hpe gara hku galaw lu a ta?​—⁠Mahte 19:26.

Nawku Htingnu gawgap na matu bang ai alu gumhpraw hte gawgap ai. Dai alu gumhpraw hpe ginjaw garan rung de sa ya ai. Ndai gumhpraw hpe Nawku Htingnu gawgap mayu ai hpung hte, bai gram lajang mayu ai hpung ni la lang mai ai.

Htung lai amyu myu kaw na shawang myit hte galaw ai masha ni gaw shabrai n la ai sha gawgap ya ai. Mungdan law law hta, Nawku Htingnu Gawgap Hpung ni hpe hpawng de da ai. Gawgap ai masha ni hte shawang myit hte galaw ai ni lawm ai ndai hpung gaw, buga hpung ni hpe karum nna Nawku Htingnu ni gawgap ya na matu, mungdan kata hta hpung langai hpang langai sa ai. Nkau nga yang grai tsan ai shara de pyi sa ma ai. Mungdan nkau mi hta, Nawku Htingnu gawgap ai hte, gram lajang ai lam ni hpe woi awn na matu, atsam marai rawng ai Yehowa Sakse nkau hpe lit jaw ai. Atsam marai rawng nna lit nga ai ni gaw, gawgap ai lam ni hta woi awn ya nna, buga hpung na masha ni gaw shawang myit hte shang lawm galaw ma ai. Ndai bungli yawng galaw lu nga ai gaw, Yehowa a chyoi pra ai wenyi hte, shi a masha ni a myit masin mahkra hte shakut nna galaw ai majaw re.​—⁠Shakawn 127:1; Kolose 3:23, 24.

  • Mungkan ting hta na Nawku Htingnu ni hpe gara hku gawgap lu a ta?