Content de lai

Malawm Ni Hpe Lai U

 DAW 23

Anhte Ni A Laili Laika Ni Hpe Gara Hku Ka Lajang Nna Ga Gale A Ta?

Anhte Ni A Laili Laika Ni Hpe Gara Hku Ka Lajang Nna Ga Gale A Ta?

Laika Ka Lajang Dap, U.S.A.

Dingda Korea

Armenia

Burundi

Sri Lanka

“Amyu baw shagu, baw lakung shagu, ga amyu shagu hte masha mungdan shagu” hpe dang lu ai daram “kabu gara shi ga” hkaw tsun na matu, anhte a laili laika hpe ga a myu baw 750 jan hte dip shabra ai. (Shingran 14:6) Ahkyak ai ndai lit hpe anhte gara hku galaw nga a ta? Mungkan grup hta nga ai laika ka lajang ai ni hte ga gale ai ni a karum ya ai lam hte anhte galaw nga ai. Shanhte yawng gaw Yehowa Sakse Ni re.

Madung laika hpe Inglik ga hku hkyen lajang ai. Uphkang Hpung gaw ginjaw rung kaw nga ai Laika Ka Lajang Dap a galaw ai lam hpe woi awn ya ai. Ndai dap gaw ginjaw rung hte, nkau ginjaw garan rung kaw nga ai, laika ka lajang ai ni hpe lit ni jaw ai. Htung lai amyu myu na laika ka lajang ai masha ni nga ai majaw, anhte a laili laika ni hta masha baw sang amyu myu hte seng ai lam ni lawm ai. Dai majaw anhte a laili laika ni hpe mungkan ting na masha ni ra ma ai.

Madung Laika hpe ga gale ai ni hpang de sa ya ai. Ka lajang da ai laika ni hpe sumrai ngut ai hpang, mungkan grup hta nga ai ga gale hpung ni hpang de, computer ladat hte sa ya ai. Dai ga gale hpung ni gaw, tinang a amyu ga de ga gale ma ai. Inglik a lachyum hte maren, tinang gale na ga amyu hta, ka lu hkra “teng man ai ga” hpe shakut nna lata ma ai.​—⁠Hpaji 12:10.

Computer gaw bungli grau lawan hkra karum ya ai. Computer gaw masha zawn laika ka lajang ai, ga gale ai ni hpe nlu galaw ai. Raitim, computer hta bang da ai ga htai chyum, madi shadaw ya ai computer ladat ni, sawk tam ai lam ni galaw lu ai majaw, ga gale ai bungli grau lawan wa ai. Tsa lam hku law ai ga amyu ni hpe bang da lu nna, sumla ni hte hpawn, laika dip shapraw na matu, Ga Hkum Sumhpa Electronic Dip Shapraw Ladat (MEPS) hpe Yehowa Sakse Ni galaw da ai.

Masha hkying lam daram sha shaga ai ga ni hpe mung, anhte ga gale ai. Hpa majaw ndai daram shakut a ta? Hpa majaw nga yang “masha yawng mayawng hkye hkrang la ai hkrum lu nna, teng man ai lam a chye chyang ai kaw du lu” na matu Yehowa ra sharawng ai majaw re.​—⁠1 Timohti 2:3, 4.

  • Anhte a laili laika ni hpe gara hku ka lajang ai kun?

  • Anhte a laili laika ni hpe hpa majaw ga amyu law law hte ga gale a ta?