Content de lai

Malawm Ni Hpe Lai U

 DAW 8

Zuphpawng Sa Ai Shaloi Anhte Hpa Majaw San San Seng Seng Bu Hpun Ai Kun?

Zuphpawng Sa Ai Shaloi Anhte Hpa Majaw San San Seng Seng Bu Hpun Ai Kun?

Iceland

Mexico

Guinea-Bissau

Philippines

Yehowa Sakse ni gaw, zuphpawng ni hta san san seng seng bu hpun da ai hpe, ndai laika kaw nang mu na re. Hpa majaw dai zawn bu hpun ma a ta?

Karai Kasang hpe hkungga ai lam madun mayu ai majaw re. Karai Kasang gaw anhte a shinggan nsam hta grau nna myit masin hpe yu ai. (1 Samuela 16:7) Raitim, nawku na matu zuphpawng ai shaloi, Karai Kasang hte anhte shada da hkungga ai lam madun mayu ai. Ga shadawn, anhte gaw tara rung de sa yang, tara agyi a ahkang aya hpe hkungga ai majaw, hkrup mara hpun sa na nre. Dai zawn sha, zuphpawng hta anhte bu hpun sa ai lam gaw “ga ning tsa ting a Tara agyi wa” Yehowa Karai Kasang hte, shi hpe nawku ai shara hpe hkungga ai lam madun ai re.​—⁠Ningpawt 18:25.

Anhte a nga sat nga sa madang hpe madun mayu ai majaw re. Chyum Laika gaw Hkristan ni hpe, “sumnung shingdi ai hte shanhte a bu hpun palawng bu hpun ai lam hta sari sadang rawng ai hku atsawm sha bu hpun” na matu n-gun jaw da ai. (1 Timohti 2:9, 10, JCLB) “Sumnung shingdi” ai wa gaw, shakawng ai, hkumshan myit sharawt ai, shing n rai, nau kadun lai ai labu palawng ni hpe, bu hpun na nre. “Sumnung” ai wa gaw, hkrup mara shing nrai, yu n htuk ai labu palawng ni hpe bu hpun na nre. Dai tara ni nga ai raitim, bu hpun ai lam hta anhte lata mai ai lam law law naw nga ai. San seng htap htuk ai anhte a nsam gaw “hkye hkrang la ai Madu Karai Kasang a sharin shaga mung ga hpe, . . . mawn sumli nga” ai rai nna kaga masha ni mung “Karai Kasang hpe shagrau” wa na re. (Titu 2:9; 1 Petru 2:12) Zuphpawng ni hta san san seng seng bu hpun da ai gaw, Yehowa hpe anhte nawku ai lam ntsa, kaga masha ni mu mada ai lam hpe akyu jaw lu ai.

Bu hpun palawng a majaw zuphpawng sa na matu htingnut ai baw hkum byin u. Nawku Htingnu de zuphpawng sa lung na matu nang hpe saw shaga ga ai. San seng htap htuk ai bu hpun palawng ngu tsun ai shaloi, lak lai ai, manu hpu ai bu hpun palawng ni hpe tsun ai n re.

  • Karai Kasang hpe nawku ai shaloi anhte a bu hpun ai lam gaw hpa majaw ahkyak a ta?

  • Anhte a bu hpun ai lam hpe gara tara ni gaw lam matsun ya a ta?