Content de lai

Malawm Ni Hpe Lai U

 DAW 13

Masha Ni Hpe Karum Ya Mayu Ai Timohti

Masha Ni Hpe Karum Ya Mayu Ai Timohti

Timohti gaw masha ni hpe karum ya mayu ai myit rawng ai la sha re. Shara law law de sa nna masha ni hpe karum ya ai. Dai majaw shi a prat gaw grai ngwi pyaw ai. Shi a lam chye mayu ai kun?—

Kanu hte kawoi dwi gaw Timohti hpe Yehowa a lam sharin ya

Timohti gaw Lustra mare hta kaba wa ai. Kawoi dwi Lui hte kanu Uni gaw, kaji ai aten kaw na shi hpe Yehowa a lam sharin ya ai. Timohti kaba wa yang masha ni hpe Yehowa a lam chye hkra karum ya mayu ai.

Timohti ramma aten hta, Pawlu gaw shi hte rau kaga shara ni hta hkaw tsun na matu tsun ai shaloi ‘hkan na’ ngu shi tsun ai. Masha ni hpe karum ya na matu shi jin jin rai nga ai.

 Makedoni mung na Htesaloni mare de Pawlu hte rau Timohti sa mat ai. Dai de du na matu grai tsan hkra lam hkawm ra ai, sanghpaw li mung jawn ra ai. Dai de du ai shaloi masha law law hpe Yehowa a lam chye hkra karum ya ai. Raitim, masha nkau mi gaw shan yan hpe pawt nna jamjau jaw ma ai. Dai majaw, shan yan dai mare kaw na pru nna, kaga shara de sa hkaw ma ai.

Ngwi pyaw ai prat Timohti lu la

Shata loi mi na ai hpang, Pawlu gaw Timohti hpe Htesaloni kaw na hpunau ni gara hku nga ai hpe, bai sa yu shangun ai. Jamjau jaw ai mare de bai sa na matu, grai marai rawng ra na re. Raitim, dai kaw na hpunau ni hpe myit tsang ai majaw shi bai sa ai. Bai wa ai shaloi hpunau ni a mabyin masa grai kaja nga ai ngu Pawlu hpe tsun dan ai.

Shaning law law Pawlu hte rau Timohti amu gun wa ai. Dai majaw, Timohti gaw hpung ni hpe karum na matu, kaja htum re ngu Pawlu laika ka ai re. Timohti gaw Yehowa hte masha ni hpe tsawra ai.

Ma ni mung masha ni hpe tsawra nna Yehowa a lam chye hkra karum ya mayu ai kun?— Dai hku galaw yang Timohti zawn ngwi pyaw ai prat lu na re.

Chyum Laika Hta Hti Yu U

  • 2 Timohti 1:5; 3:14, 15

  • Kasa 16:1-5; 17:1-10

  • 1 Htesaloni 3:2-7

  • Hpilipi 2:19-22