Content de lai

Malawm Ni Hpe Lai U

 DAW 7

Nang Hkrai Rai Nna Hkrit Ai Myit Rawng Ga Ai Kun?

Nang Hkrai Rai Nna Hkrit Ai Myit Rawng Ga Ai Kun?

Sumla kaw na la kasha hpe yu u. Shi hpe yu yang, shi hkrai sha re ai majaw hkrit taw nga ai. Ma mung, ma hkrai sha rai yang hkrit ai i?— Masha yawng mung dai hku hkamsha ga ai. Yehowa a jinghku ni pyi, langai hkrai re ai ngu hkamsha nna, hkrit ai myit rawng ga ai nga nna Chyum Laika hta tsun da ai. Marai langai gaw Elia re. Shi a lam hpe hti yu ga.

Yezebela gaw Elia hpe sat kau mayu ai

Moi Israela mung e, Yesu n shangai shi ai aten hta, Elia asak hkrung lai wa ai. Teng man ai Karai Kasang Yehowa hpe, Israela hkawhkam Ahab n nawku ai. Ahab hte madu jan Yezebela gaw, hpara shaje Bala hpe nawku ma ai. Dai majaw, Israela masha law law mung, Bala hpe nawku wa ma ai. Hkawhkam jan Yezebela gaw, grai nhkru nna Yehowa hpe nawku ai ni yawng hpe, sat kau mayu ai. Shi sat mayu ai masha ni hta Elia mung lawm ai. Elia hpa galaw ai hpe chye ai i?—

 Elia gaw nam de hprawng nna lungpu kata hta makoi nga ai. Hpa majaw shi hprawng nna makoi nga ai kun?— Hkrit ai majaw re. Raitim, Elia n hkrit ra ai. Hpa majaw kun? Yehowa karum ya lu ai hpe shi chye da ai majaw re. Yehowa a hpung atsam hpe shi mu ga ai. Kalang mi hta, lamu kaw na wan jahkrat ya nna, Elia akyu hpyi ai hpe mahtai jaw ya ai. Dai majaw, ya mung Elia hpe Yehowa karum ya lu ai.

Elia hpe Yehowa gara hku karum ya a ta?

Lungpu kata hta Elia makoi nga ai shaloi ‘nang ndai kaw hpa galaw nga ai i?’ ngu Yehowa san ai. ‘Nang hpe nawku ai ni hta ngai sha ngam sai. Sat hkrum na hkrit ai majaw hprawng nga ai’ ngu Elia htan ai. Yehowa hpe nawku ai ni yawng sat kau hkrum sai ngu Elia shadu ai. Raitim, Yehowa gaw ‘nang shadu ai shut nga ai. Ngai hpe nawku ai masha 7,000 naw ngam nga ai. Hkum hkrit. Nang galaw ra ai amu naw nga ai’ nga nna Elia hpe tsun ai. Dai shiga hpe na yang Elia kabu na ngu shadu ai i?—

Elia kaw na hpa sharin la mai na ta?— Ma ni mung langai hkrai sha re ai ngu hkamsha nna n hkrit ra ai. Ma ni hta, Yehowa hte ma ni hpe tsawra ai manang ni nga ai. Hpung atsam grai kaba ai Yehowa gaw ma ni hpe karum ya na re. Yehowa karum ya na hpe chye ai majaw kabu ai i?—

Chyum Laika Hta Hti Yu U

  • 1 Hkawhkam 19:3-18

  • Shakawn Kungdawn 145:18

  • 1 Petru 5:9