Content de lai

Malawm Ni Hpe Lai U

 HKAJA 7

Tup Hkrak Jaw Nna Kam Mai Ai Lam

Tup Hkrak Jaw Nna Kam Mai Ai Lam

Luka 1:3

KADUN DAWK: Kam hpa mai ai lam ni hpe lakap nna, madat ai ni tup hkrak jaw ai hku hkap la na matu, karum ya u.

GALAW MAI AI LAM:

  • Kam mai ai laika ni hpe akyu jashawn u. Mai byin shagu, Chyum Laika hpe hti nna, madung lam hpe tsun u. Hpungtang hpaji, shiga langai, mahkrum madup (sh) madi madun lam ni hpe tsun na nga yang, dai ni gaw kam mai ai, n kam mai ai hte hpang jahtum shiga rai n rai shawng jep yu u.

  • Lakap tsun dan lu ai lam ni hpe lang u. Shanhte a masa hte hkrak re ai Chyum daw ni, Chyum Laika a shiga ni hte “sadi ai hte myit su ai mayam” kaw na dip shapraw da ai laili laika ni hpe lang u. (Mat 24:45) Kaga laika ni kaw na lakap tsun ai shaloi, madung lachyum hpe (sh) madung laika ka ai wa tsun mayu ai lam hpe n galai shai ai sha, tup hkrak jaw hkra tsun ra ai.

  • Madi madun lam hte sawn dinglik u. Chyum daw hti ai (sh) lama ma hpe lakap tsun ngut ai hpang, shanhte nan jaw ai mahtai hpe lu wa hkra, hpaji rawng ai hku ga san san u. Shing nrai ga shadawn tsun dan u.