Ndai daw gaw Hkawhkam Shawlu hte Hkawhkam Dawi a prat labau ni rai nna shaning 80 na ai labau re. Shawng nnan hta, Shawlu gaw shagrit shanem ai, Karai Kasang hpe hkrit hkungga ai wa re. Raitim, hpang e gaw galai shai mat nna Karai Kasang a ga n madat mat sai. Yehowa gaw shi hpe nyet kau nna, Israela ni a hpang lung na hkawhkam hku nna Dawi hpe naman chya ya na matu Samuela hpe Yehowa matsun ai. Shawlu gaw Dawi hpe manawn ai majaw, shi hpe sat na matu chyahkring hkring shakut wa tim, Dawi gaw galoi mung matai n htang wa ai. Shawlu a kasha Yonahtan gaw Dawi hpe Yehowa lata da ai lam chye ai majaw, Dawi hpe shi sadi dung wa ai. Dawi gaw grai sawng ai mara ni galaw wa tim, Yehowa a sharin achyin ya ai hpe hkap la wa ai. Lama na nang gaw kanu kawa rai yang, Karai Kasang hkyen lajang da ai lam ni hpe galoi mung madi shadaw na matu ahkyak ai lam hpe na a ma ni chye na wa hkra sharin ya u.