Content de lai

Malawm Ni Hpe Lai U

 DAW 76

Nawku Htingnu Kaw Gat Dut Nga Ai Ni Hpe Yesu Gawt Shapraw

Nawku Htingnu Kaw Gat Dut Nga Ai Ni Hpe Yesu Gawt Shapraw

Yesu gaw A.D. 30, ginhtawng ta hta Yerusalem de sa ai. Masha law law gaw Shalai Wa Ai Poi sa lung na matu, dai mare de sa ma ai. Dai poi a lamang langai hku nna, nawku htingnu hta dusat ni hpe hkungga nawng ma ai. Dai majaw, masha nkau mi gaw shanhte hte arau dusat ni hpe la sa wa ai. Raitim, nkau mi gaw dusat ni hpe Yerusalem hta sha mari ma ai.

Yesu nawku htingnu de shang wa yang, masha ni gaw dusat ni dut taw nga ai hpe mu ai. Yehowa hpe nawku dawjau ai nta hta, shanhte gaw hpaga galaw nna gumhpraw tam nga ma ai. Dai majaw, Yesu grai masin pawt mat ai. Yesu gaw nawku htingnu hta nga taw ai sagu ni, yam nga ni hpe lasik sumri hte gawt shapraw kau dat ai.  Gumhpraw galai ai masha ni a ku ni hpe galau kau ya nna, gumhpraw ni hpe ru kau ya ai majaw ga de ayai hkrat mat ai. Yesu gaw hkrudu dut ai ni hpe ndai hku tsun ai: ‘Ndai arai ni hpe tsan tsan de la mat u! Nye Wa a nta hpe hpaga nta hkum shatai mu!’

Nawku htingnu hta nga taw ai masha ni gaw, Yesu galaw ai lam hpe yu nna mau mat ai. Dai shaloi, Yesu a sape ni gaw: ‘Yehowa a nta hpe tsawra ai nye a myit kaba nga ai’ ngu ai Meshia hte seng ai myihtoi ga hpe dum wa ma ai.

A.D. 33 hta mung, nawku htingnu hpe dai zawn bai jasan jaseng galaw wa ai. Yesu gaw shi Kawa a nta hpe n-gawn n sawn galaw na matu, kadai hpe mung ahkang n jaw ai.

“Nanhte gaw Karai Kasang a magam hta mung, mungkan a sutgan hta mung, rau n gun n hpai lu na myit dai.”​​​​​​​​—⁠⁠⁠⁠⁠⁠⁠⁠Luka 16:13