Yesu gaw masha ni hpe sumsing lamu Mungdan hte seng ai lam sharin achyin ya wa ai. Karai Kasang a mying ningsang chyoi pra na matu, shi a mungdan du wa na matu hte ga ntsa hta shi a myit dik wa na matu akyu hpyi mu nga nna mung sharin achyin ya wa ai. Lama na nang gaw kanu kawa rai yang, na a ma ni hpe dai akyu hpyi ga a lachyum hte dai akyu hpyi ga gaw anhte a matu kade daram ahkyak ai lam tsun dan u. Yesu gaw shi a sadi dung ai lam hten run mat hkra Satan galaw na hpe ahkang n jaw wa ai. Yesu gaw kasa ni hpe lata la ai. Shanhte gaw Mungdan a ahkyak ai shara hta lawm na, shawng nnan na masha ni byin wa ai. Teng man ai nawku dawjau lam hta Yesu myit rawt ai lam hpe sadi yu u. Yesu gaw kaga masha ni hpe karum ya mayu ai majaw, machyi makaw hkrum ai ni hpe shamai ya ai, kawsi hpang gara ai ni hpe malu masha jaw sha ai, si mat ai masha ni hpe bai jahkrung ya wa ai. Shinggyim masha ni a matu Karai Kasang A Mungdan galaw ya na lam ni hpe, ndai mauhpa lam ni galaw ya ai hku nna Yesu madun wa ai.