Content de lai

Malawm Ni Hpe Lai U

Maumwi 28: Ma Chyangai Mawshe Gara Hku Hkye La Hkrum Ai

Maumwi 28: Ma Chyangai Mawshe Gara Hku Hkye La Hkrum Ai

Ma chyangai hkrap nga ai hpe yu yu mu. Num langai mi a layung hta manat nga ai. Ndai ma gaw Mawshe rai nga ai. Ndai tsawm la ai num gaw gadai re a ni? Shi gaw Egutu hkawseng shayi Hpara-u a kasha rai nga ai.

Hpara-u a shayi sha gaw Mawshe hpe mu kau ai

Mawshe a kanu gaw Mawshe hpe asak shata masum du hkra makoi tawn ai. Egutu masha ni a lata hta, nkam sat kau shangun ai majaw re. Raitimung lani mi na aten hta, Mawshe hpe mu kau na re, nga chye ai. Dai majaw shi hpe hkye la na matu ndai zawn galaw ai rai nga ai.

Sumpu langai mi la nna, hka n shang hkra galaw ai. Dai hta e Mawshe hpe bang tawn nna, Nila hka tsingdu ni a lapran e, sumpu hpe sa tawn da ai. Dai sumpu makau e Mawshe a kana Miriam hpe yu shangun tawn ai. Kaning rai byin na hpe chye lu na matu re.

Kade nna yang Hpara-u a shayi sha gaw hka shin na matu, Nila hka de sa wa ai. N myit mada ai sha tsingdu hpun ni a lapran e, sumpu hpe mu dat ai. Shi a mayam num hpe shaga nna: ‘dai sumpu hpe sa la wa rit,’ nga ai. Hkawseng shayi sha gaw sumpu hpe hpaw dat yang, tsawm la ai ma chyangai hpe mu ai. Ma chyangai Mawshe hkrap nga ai majaw, hkawseng shayi sha gaw shi hpe matsan dum ai. Shi hpe n kam sat kau shangun ai.

Dai shaloi e Miriam gaw makau de shani sa wa ai. Shi hpe ndai sumla kaw mu lu ai. Miriam gaw Hpara-u a shayi sha hpe san yu ai: ‘Ma woi nchyang Israela num langai mi hpe ngai shaga ya ra na kun?’ nga ai.

‘Chyeju hte sa shaga ra rit’ nga nna hkawseng shayi sha tsun ai.

Dai rai nna Miriam gaw alawan sha shi a kanu hpe wa tsun dan ai. Mawshe a kanu du sa wa jang hkawseng shayi sha gaw: ‘Ndai ma hpe Pawn wa nna nye a matu woi ra rit; ngai nang hpe shabrai jaw na nngai,’ nga nna tsun ai.

Dai rai nna Mawshe a kanu gaw, shi a kasha majing hpe yu lajang lu ai. Mawshe kaba wa jang shi a kanu gaw, Hpara-u a shayi sha hpang de woi sa wa ai. Hpara-u a shayi sha mung shi a kasha majing hku nna bau la tawn ai. Shing rai Mawshe gaw Hpara-u a hkawhkam hkaw hta nga kaba wa ai.

Pru mat wa ai laika 2:1-10.