Content de lai

Malawm Ni Hpe Lai U

 HKRISTAN PRAT HKRUN LAM

San Seng Ai Masha Ni Hpe Yehowa Tsawra

San Seng Ai Masha Ni Hpe Yehowa Tsawra

“Na a lata hpe kashin u. Na a gawk hpe jasan jaseng u. Ding ye ye u. Maza mala ni hpe kabai kau u.” Kanu kawa law law gaw, shanhte a ma ni hpe hkum hkrang san seng chye hkra sharin ya ai. San seng ai hte seng ai npawt tara gaw chyoi pra ai Karai Kasang kaw na sa ai re. (Pru 30:18-20; Trj 23:14; 2Ko 7:1) Anhte a arai ni hte hkum hkrang hpe san seng da ai gaw, Yehowa hpe shagrau ai lam re. (1Pe 1:14-16) Anhte a nta hte makau grup-yin gaw gara hku kun? Nampan sun zawn re ai shara ni hte lam ntsa hta, maza kabai ai masha ni hte n bung ai sha, Hkristan ni gaw shanhte a mungkan nta hpe kaja htum san seng hkra galaw ai. (Shk 115:16; Shr 11:18) Shata pan kawp, pyike, nam si ntsin bu zawn re ai kaji kajaw lam ni hta mung san seng ai myit jasat hpe madun mai ai. Prat masa shagu hta anhte gaw, “Karai Kasang a nchyang mayam ni” re ai lam madun mayu ai.​—2Ko 6:3, 4, JCLB.

SAN SENG AI MASHA NI HPE YEHOWA TSAWRA NGU AI VIDEO HPE YU NGUT AI HPANG, NDAI GA SAN NI HPE HTAI U:

  • Masha nkau mi gaw, shanhte a arai ni san san seng seng n tawn ai hte seng nna hpa lawt ga ni tsun chye ai kun?

  • San seng ai hte seng nna Yehowa a ningmu hpe Mawshe a Tara gaw gara hku tsun da ai kun?

  • Nsen n pru ai sha Yehowa a lam gara hku sakse hkam lu ai kun?

Nye a prat hta, san seng ai hte seng nna Yehowa a ningmu hpe gara hku madun lu na kun?