Content de lai

Malawm Ni Hpe Lai U

 HKRISTAN PRAT HKRUN LAM

Tsawra Myit Gaw Hkristan Ajet Hpe Ginhka Ya​—⁠Tingkyeng Myit Hte Masin Pawt Ai Hpe Koi U

Tsawra Myit Gaw Hkristan Ajet Hpe Ginhka Ya​—⁠Tingkyeng Myit Hte Masin Pawt Ai Hpe Koi U

HPA MAJAW AHKYAK: Tsawra myit gaw, shi a sape ni hpe ginhka ya na re ngu, Yesu sharin ya wa ai. (Yhn 13:34, 35) Hkristu zawn tsawra myit hpe madun na matu, anhte ni gaw kaga masha ni a akyu hpe myit ya ra nna, masin pawt ai hpe koi ra ai.​—⁠1Ko 13:5.

GALAW MAI AI LAM:

  • Tinang hpe marai langai, hkra machyi hkra lama ma tsun ai (sh) galaw ai shaloi, chyahkring mi hkring nna hpa majaw dai hku byin ai hpe myit yu u. Tinang gara hku bai htang yang, gara hku byin chye ai hpe mung myit yu u.​—⁠Gsh 19:11

  • Anhte yawng gaw n hkum tsup ai majaw, hpang e she myit malai lu na lam langai ngai hpe, tsun hkrup galaw hkrup chye ai hpe dum ra ai

  • Myit n hkrum ai lam hpe kalang ta hparan u

“NANHTE SHADA DA TSAWRA NGA MU”​—⁠TINGKYENG MYIT HTE MASIN PAWT AI HPE KOI U, NGU AI VIDEO HPE YU NNA, NDAI GA SAN NI HPE HTAI YU U:

  • Tu Ring tsun ai ga hpe Zau Htoi gaw gara hku lai lai jan jan bai htang ai kun?

  • Hkring nna myit yu ai gaw, Tu Ring hpe masin n pawt hkra gara hku karum ya wa ai kun?

  • Hpunau Tu Ring simani ai hku bai htang ai majaw, masin pawt na masa hpe gara hku koi yen lu wa ai kun?

Nawku hpung hta masin pawt ai masa hpe koi yen ai shaloi, gara akyu ni lu wa na kun?