Content de lai

Malawm Ni Hpe Lai U

 HKRISTAN PRAT HKRUN LAM

Hkaw Tsun Bungli Hta Atsam Rawt Jat Hkra Galaw Mai Ai Lam​—⁠Bai Kawan Ai Lam

Hkaw Tsun Bungli Hta Atsam Rawt Jat Hkra Galaw Mai Ai Lam​—⁠Bai Kawan Ai Lam

HPA MAJAW AHKYAK: Karai a Mungdan shiga hpe myit lawm ai lam madun ai masha ni gaw, Karai Kasang hte seng ai teng man lam hpe tam ai ni re. (Esa. 55:6) Shanhte hpe tsang hte tsang sharin ya na matu, chyahkring hkring bai kawan ra ai. Masha ni gaw mayak mahkak amyu myu hkrum nga ai majaw, shanhte myit lawm na lam ni hpe tsun dan ra ai. Chyum Laika sharin lu hkra yaw shada nna, bai sa kawan ai aten shagu hta atsawm hkyen lajang nna galaw na nga yang, akyu grau lu na re.

Galaw Mai Ai Lam:

  • Nhtoi nau n na shi yang, alawan bai sa kawan u.​—⁠Mah. 13:19

  • Hku hkau nna hkungga lam madun u. Nga yak hkra hkum galaw

  • Alum ala shakram u. Shi a mying hpe shaga u. Ga san a mahtai tsun dan na matu, magazin nnan jaw na matu, anhte a website hpe madun na matu, video madun na matu (sh) Chyum laika gara hku hkaja ai hpe madun mayu ai majaw bai sa ai lam tsun dan u. Shi gaw kaga lam hpe chye mayu ai ngu tsun wa yang, dai hpe tsun dan mai ai.​—⁠Hpi. 2:4

  • Chyum mungga tsun dan ai, laili laika garan da ai hku nna, shi a myit masin hta teng man ai nli tu wa ai hpe hka jaw ya u. (1 Kor. 3:6) Shi hte hku hkau hkra shakut u

  • Hpang kalang bai kawan na matu lam hpaw da u