Content de lai

Malawm Ni Hpe Lai U

 Hkristan Prat Hkrun Lam

Manam Ni Hpe Hkap Tau La Ga

Manam Ni Hpe Hkap Tau La Ga

March 23 kaw galaw na Myit Dum Poi hta, manam wan 12 daram (sh) dai hta grau law hkra sa lung na re ngu myit mada da ga ai. Mungga htawn ai wa gaw, Yehowa jaw ai kumhpa re ai gawng malai jahpu hte htawm hpang hta lu na shaman chyeju ni a lam bawngban mat wa ai hpe shanhte na lu na re. (Esa. 11:6-9; 35:5, 6; 65:21-23; Yaw. 3:16) Raitim, ndai laksan aten ladaw hta mungga htawn ai wa sha sakse hkam na ahkang lu da ai n re. Anhte ni yawng mung manam ni hpe alum ala hte hkap tau la ai hku nna sakse hkam mai ai. (Rom. 15:7) Galaw mai ai lam nkau mi hpe madun da ai.

  • Zuphpawng hpang na aten hpe dung nna la nga na malai, du sa wa ai manam ni hte wenyi lam hta katsi nga ai ni hpe mani sumsai hte hkap tau la u

  • Nang saw shaga da ai manam ni hpe hkalum la ai zawn, saw shaga laika lu nna du sa wa ai kaga manam ni hpe mung atsawm hkap tau la u. Masha nnan ni hpe nang hte rau dung na matu saw shaga u. Shanhte hpe na a Chyum Laika hte mahkawn laika ni hpe madun u

  • Mungga htawn ngut ai hpang, shanhte chye mayu ai ga san ni hpe htai ya u. Nawku Htingnu hpe kaga hpung ni bai jailang ra ai majaw tsun dan na aten n lu yang, shi hpang de bat mi laman sa chyai na matu lajang u. Shi hte matut mahkai na hkring dat n nga yang, “Ndai lam hte seng nna nang gara hku chye na la ai hpe chye mayu ai. Nang hte gara hku matut mahkai mai na kun?” ngu tsun mai ai.