Content de lai

Malawm Ni Hpe Lai U

 Hkristan Prat Hkrun Lam

Gawng Malai Jahpu A Majaw Lu A—Bai Hkrung Rawt Na Myit Mada Lam

Gawng Malai Jahpu A Majaw Lu A—Bai Hkrung Rawt Na Myit Mada Lam

Myit Dum Poi gaw gawng malai jahpu a majaw lu na htawm hpang shaman chyeju ni a lam, bai myit na matu ahkaw ahkang jaw ai. Dai kaw bai hkrung rawt na myit mada lam mung lawm ai. Yehowa gaw masha ni hpe si na matu yaw shada nna hpan da ai n re. Dai majaw tsawra ai marai langai ngai si mat ai shaloi, grai yawn hkyen ma ai re. (1 Kor. 15:26) Lazaru si mat ai majaw sape ni hkrap nga ai hpe mu ai shaloi Yesu mung grai yawn wa ai. (Yaw. 11:33-35) Yesu gaw shi Kawa hpe hkum tsup ai hku kasi la da ai wa re. Dai majaw, tsawra ai ni si mat ai majaw anhte grai yawn nga ai hpe Yehowa mu ai shaloi shi mung grai yawn na re. (Yaw. 14:7) Yehowa gaw shi a mayam ni hkrung rawt wa na aten hpe sharawng awng let la nga ai. Anhte mung dai hte maren la nga ging ai.​—⁠Yob. 14:14, 15.

Yehowa gaw kashuk kashak re ai Karai Kasang n re ai majaw, hkrung rawt ai lam mung, masa hte hkrak byin wa na hpe kam mai ai. (1 Kor. 14:33, 40) Makoi mayang poi ni a malai bai hkrung rawt wa ai masha ni hpe hkap tau na lam ni sha nga sana re. Dai re ai majaw, yawn hkyen ai aten ni hta hkrung rawt ai myit mada lam hpe myit yu nga ai kun? (2 Kor. 4:17, 18) Gawng malai jahpu lajang ya nna, Chyum Laika hta hkrung rawt ai myit mada lam jaw da ai majaw Yehowa hpe nang chyeju dum nga ai kun?​—⁠Kol. 3:15.

  • Mungkan nnan hta tinang grai hkrum mayu ai jinghku ni, manang ni gaw kadai ni kun?

  • Chyum Laika kaw nna kadai ni hte nang hkrum nna ga shaga mayu ai kun?