Content de lai

Malawm Ni Hpe Lai U

 HKRISTAN PRAT HKRUN LAM

Hkristu A Hpang Htep Lahti Hkan U

Hkristu A Hpang Htep Lahti Hkan U

Yesu gaw, anhte chyam dinglik ai lam ni hte zingri zingrat ai lam ni hkrum ai shaloi, hkamjan lu na matu kasi madun wa ai. (1 Pe 2:21-23) Yesu gaw, aroi arip hkrum ai aten ni hta galoi mung matai n htang ai. (Mrk 15:29-32) Hkamjan lu hkra shi hpe hpa gaw karum ya ai kun? Yehowa a myit ra ai lam hpe galaw na matu, shi myit daw dan da ai. (Yhn 6:38) Shi gaw, ‘shawng hta nga ai kabu gara ai lam’ hpe sha, myit maju jung wa ai.​—⁠Heb 12:2.

Anhte a makam masham a majaw, zingri zingrat hkrum yang gara hku bai htang na kun? Teng man ai Hkristan ni gaw, “n kaja ai” hpe n kaja ai hku matai n htang ai. (Rom 12:14, 17) Mayak mahkak ni hpe Yesu hkamjan wa ai hpe anhte kasi la yang, Karai Kasang a ra sharawng ai lam lu ai majaw ngwi pyaw ai.​—⁠Mat 5:10-12; 1 Pe 4:12-14.

YEHOWA A MYING NINGSANG GAW AHKYAK HTUM, NGU AI VIDEO HPE YU NGUT AI HPANG LAWU NA GA SAN NI HPE HTAI U:

  • Nauna Poziga * gaw, langai hkrai htawng jahkrat hkrum ai laman, shi a aten ni hpe hpaji rawng ai hte gara hku galaw wa ai kun?

  • Hpunau Martin hte Nauna Poziga gaw, zingri zingrat ai camp law law hta gara mayak mahkak ni hpe hkamjan wa ai kun?

  • Hkamjan lu hkra shanhte hpe hpa gaw karum ya ai kun?

Mayak mahkak ni hkrum tim, Hkristu a hpang htep lahti hkan wa

^ စာပိုဒ်၊ 6 Poetzinger ngu nna mung ka ai.