Content de lai

Malawm Ni Hpe Lai U

 HKRISTAN PRAT HKRUN LAM

Karai Kasang Hpe Shakawn Nna Pawlu N-gun Lu Wa

Karai Kasang Hpe Shakawn Nna Pawlu N-gun Lu Wa

Pawlu sa wa ai lam hpe, Roma nawku hpung kaw na ni na ai shaloi, hpunau ni gaw deng 40 tsan ai shara de bu hkawm nna, shi hpe sa hkap tau la ma ai. Shanhte a tingkyeng myit n rawng ai tsawra myit gaw, Pawlu hpe gara hku akyu jaw wa ai kun? “Pawlu shanhte hpe mu jang, Karai Kasang hpe shakawn kungdawn nna shalan shabran nga ai.” (Kas 28:15) Shi sa kawan wa ai nawku hpung ni hpe, n-gun jaw wa ai raitim, ndai lang gaw shi nan bawng masha rai taw nga ai majaw, n-gun jaw hkrum wa ai.​—⁠2Ko 13:10.

Dai ni, ninghtawn hpung kawan ni gaw, nawku hpung ni hpe kawan nna hpunau nauna ni hpe n-gun jaw ai. Hpunau nauna ni zawn, shanhte mung kalang lang, myit daw myit tsang lam ni, pu ba ai lam ni nga ai. Hpang kalang, hpung kawan hte shi a madu jan, na a hpung de sa kawan ai shaloi, shanhte hpe n-gun jaw lu na matu, “langai hte langai shada da n-gun jaw” lu na matu, nang hpa galaw lu na kun?​—⁠Rom 1:11, 12, JCLB.

  • Magam Hkrum Zup Hpawng Ni Hpe Lung U. Ndai laksan bat hta hkaw tsun masha ni akyu hpring tup lu la na matu, tinang akyu n tam ai sha shang lawm yang hpung kawan hpunau wa n-gun lu na re. (1Ht 1:2, 3; 2:20) Shi kawan ai shata hta, aten kadun ningshawng galaw na matu dawdan mai ai. Hpung kawan yan hte rau hkaw tsun bungli hta shang lawm mai na kun? Na a Chyum ga sharin hpang de shaga sa mai na kun? Hkaw tsun masha nnan (sh) nau n chye hkaw tsun ai masha ni hte ginrun lu ai majaw shan grai pyaw ai.

  • Manam daw u. Yup na shara (sh) malu masha daw ai lam ni hta nang shang lawm mai na kun? Dai hku galaw ai gaw, hpung kawan hte shi a madun jan hpe tsawra myit madun ai lam re. Yawng mayawng hpe shajin da ya na ngu, shanhte n myit mada ma ai.​—⁠Luk 10:38-42.

  • Hpaji jaw ga hte lam matsun ni hpe madat nna hkan sa u. Yehowa a magam hta anhte rawt jat wa hkra, hpung kawan gaw tsawra myit hte karum ya ai. Kalang lang, ja ja sharin shaga ai lam ni nga na re. (1Ko 5:1-5) Raitim, anhte hku nna shagrit shanem let madat mara yang shi pyaw ai.​—⁠Heb 13:17.

  • Chyeju dum ai hpe madun u. Ninghtawn hpung kawan hte shi a madu jan hpe, shan shakut shaja ai gaw, nang hpe gara hku akyu jaw ai hpe tsun dan u. Dai hpe laika kadun (sh) card (sh) tinang nan tsun dan mai ai.​—⁠Kol 3:15.