Content de lai

Malawm Ni Hpe Lai U

 Hkristan Prat Hkrun Lam

Teng Man Ai Nawku Daw Jau Lam A Matu Htingnu Ni Hpe Gawgap, Gram Lajang Lu Ai Laksan Ahkaw Ahkang

Teng Man Ai Nawku Daw Jau Lam A Matu Htingnu Ni Hpe Gawgap, Gram Lajang Lu Ai Laksan Ahkaw Ahkang

Nawku Htingnu gawgap na matu gumhpraw, masha n-gun ni law law ra ai. Raitim, Israela masha ni gaw ndai bungli hpe myit rawt let madi shadaw ya wa ai. (1Hk.La 29:2-9; 2Hk.La 6:7, 8) Nawku Htingnu hpe gawgap ngut ai hpang, Israela masha ni gram lajang ai lam gaw, nawku daw jau lam hpe manu shadan ai lam nga n nga madun dan ai. (2Hk. 22:3-6; 2Hk.La 28:24; 29:3) Dai ni ten na Hkristan ni gaw Nawku Htingnu gawgap ai, jasan jaseng ai, gram lajang ai lam ni hta aten law law jaw nna shakut shaja let shang lawm nga ma ai. Dai hku Yehowa hpe sak jaw lu ai gaw laksan ahkaw ahkang rai nna, grau htum ai nawku daw jau lam a daw langai mung re.—Shk. 127:1; Shi. 7:15.

Anhte Shang Lawm Mai Ai Lam. . .

  • Zuphpawng ngut shagu jasan jaseng galaw ai lam. Masa amyu myu a majaw, jasan jaseng galaw ai hta n lu lawm ai rai yang, chyeju hte tinang na dunghkum makau na maza ni hpe hta ya rit.

  • Nawku Htingnu hpe jasan jaseng ai, gram lajang ai lam ni hta ayan shang lawm ai lam. Myit hkrum let rau jawm galaw na nga yang ngwi pyaw nna bungli mung grau ngut ai.—lv-BU 92-93 ¶18.

  • Alu bang ai lam. ‘Manu n law la ai magri dingsen lahkawng’ mi rai tim, shawang myit hte alu bang ai majaw Yehowa sharawng awng ai.—Mar. 12:41-44.

  • Mai byin ai aten hta nawku daw jau lam hte seng ai gawgap bungli hte bai gram lajang ai bungli ni hta shawang lit gun ai lam. Shawang lit gun na matu gawgap ai lam hte seng nna mahkrum madup nga ra na ngu n hpyi shawn da ai.