Content de lai

Malawm Ni Hpe Lai U

 HKRISTAN PRAT HKRUN LAM

Chyum Laika Hpe Shani Shagu Sawn Maram U Laika Buk Kaw Na Akyu Lu Nga Ai Kun?

Chyum Laika Hpe Shani Shagu Sawn Maram U Laika Buk Kaw Na Akyu Lu Nga Ai Kun?

Chyum Laika Hpe Shani Shagu Sawn Maram U laika buk kaw na, Chyum daw hte sanglang da ai lam ni hpe, shani shagu hti sumru ai akyang nga ai kun? N galaw shi yang, wenyi arawn alai hku nna galaw mai na kun? Masha law law gaw jahpawt jau jau hti ai majaw, shani tup sumru nna shanhte galaw hkawm sa ai lam ni hta hkan sa ma ai. (Ysh 1:8; Shk 119:97) Chyum daw hpe sanglang ai lam kaw nna, gara hku akyu grau lu mai na kun? Chyum daw a shawng hpang hpe hti yu nna, shingdu na mabyin hpe myit yu u. Madung jaw da ai Chyum daw a npawt tara hte seng ai Chyum Laika labau ni hpe shakut nna myit yu u. Dai hpang, dai npawt tara hpe na a prat hta hkan sa u. Dawdan lam ni jahkrat ai shaloi Karai a Mungga hpe hkan sa ai gaw, na a prat hpe teng sha akyu jaw na re.​—Shk 119:105.

Mungkan ting hta nga ai Behtela nta masha ni gaw, Chyum Laika Hpe Shani Shagu Sawn Maram U laika buk hpe jahpawt shat sha ai aten hta hti dinglik ma ai. Lai wa sai shaning ni kaw nna, Behtela hta sanglang dan wa ai lam law law hpe JW Broadcasting® hta lawm ai Programs And Events hta mara da ai. Dai hta na video langai (sh) law law hpe hpang jahtum galoi yu wa ai kun? Video hta, nang ra kadawn nga ai lam nkau mi mung lawm na re. Ga Shadawn, Lawt a labau gaw na a dawdan lam ni hta gara hku shingkang ka-up ai kun?

MUNGKAN HPE HKUM TSAWRA (1YH 2:15) VIDEO HPE YU NNA, LAWU NA GA SAN NI HPE HTAI U:

  • Ndai Jahpawt Manap Nawku Dawjau Ai lamang gaw gara npawt tara hpe madung nna bawngban mat ai kun?

  • Ndai mungkan a arung arai ni hpe ra marin ai hte seng nna, Lawt a labau gaw gara hku sadi jaw ai kun?​—Nin 13:12; 14:12; 19:3, 12, 13, 24-26

  • Ndai mungkan (sh) arung arai ni hpe n re ai sha, Yehowa hpe tsawra ai lam gara hku madun na kun?

Yehowa a Mungga hpe manu shadan ai lam, shani ting ngai gara hku madun mai na kun?