Content de lai

Malawm Ni Hpe Lai U

 HKRISTAN PRAT HKRUN LAM

Hkam Jan Nna Myit Rawt Let Matut La Nga U

Hkam Jan Nna Myit Rawt Let Matut La Nga U

Karai Kasang a Mungdan du wa na hpe la ai kade daram na sai kun? Yakhkak jamjau ai raitim, hkam jan nna myit galu let la nga ai kun? (Rom 8:25) Hkristan nkau mi gaw, n ju n dawng ai, zingri zingrat ai, htawng jahkrat hkrum ai, dai hta n-ga asak si sum na masa ni pyi hkrum nga ai. Kaga law law mung, machyi jung ai hte asak kung ai lam zawn, mayak mahkak ni hpe hkrum nga ai.

Gara mayak mahkak ni hkrum wa ai raitim, myit rawt let la nga na matu hpa gaw karum ya lu ai kun? Shani shagu Chyum Laika hti nna, myit sumru let anhte a makam masham hpe shangang ra ai. Anhte a myit mada lam hpe myit maju jung ra ai. (2Ko 4:16-18; Heb 12:2) Chyoi pra ai wenyi lu na matu, Yehowa kaw akroi anoi akyu hpyi ra ai. (Luk 11:10, 13; Heb 5:7) Anhte a tsawra myit nga ai Wa gaw, “shakut sharang nna kabu gara ai hte myit galu kaba hkum tsup” lu hkra karum ya lu ai.​—⁠Kol 1:11.

“SHAKUT SHARANG LET” GAT RA AI​—⁠KUMHPA LU NA HPE KAM U NGU AI VIDEO HPE YU NNA, LAWU NA GA SAN NI HPE HTAI U:

  • Anhte a prat hta “aten ladaw hte, ang wa ai hte maren” hpa ni byin chye ai kun? (Hpj 9:11)

  • Mayak mahkak ni hkrum ai shaloi, akyu hpyi ai gaw gara hku karum ya lu ai kun?

  • Yehowa a magam hpe moi na zawn, law law n lu galaw mat yang, ya galaw lu ai lam ni hpe, hpa majaw myit maju jung ra ai kun?

  • Kumhpa hpe matut a zi yu nga u

    Kumhpa lu na ngu kam ai myit nga hkra, hpa gaw karum ya lu ai kun?