Content de lai

Malawm Ni Hpe Lai U

 HKRISTAN PRAT HKRUN LAM

Hkaw Tsun Bungli Hta Grau Kaja Hkra Galaw Ai Lam​​—⁠⁠Ga San Ni Hpe Akyu Nga Hkra Lang Ai Lam

Hkaw Tsun Bungli Hta Grau Kaja Hkra Galaw Ai Lam​​—⁠⁠Ga San Ni Hpe Akyu Nga Hkra Lang Ai Lam

HPA MAJAW AHKYAK: “Masha a myit mang ai lam gaw sung ai hka htung kata na hka” hte bung ai nga yang, dai hpe ja la ai hka pung gaw ga san rai na re. (Ga Sha. 20:5, JCLB) Ga san ni gaw, madat nga ai ni hpe shang lawm na matu karum ya ai. Atsawm sha lata da ai ga san ni gaw, kaja ai mahtai hpe mung lu shangun ai. Yesu gaw akyu nga ai ga san ni hpe lang wa ai. Anhte gara hku kasi la na kun?

GALAW MAI AI LAM:

  • Myit masa chye lu ai ga san ni san u.  Yesu gaw, shi a sape ni a myit masa hpe chye lu hkra, ga san ni hpe san wa ai. (Mah. 16:13-16; be 238 ¶3-5) Myit masa chye lu ai gara ga san ni hpe san ging ai kun?

  • Sumru na ga san ni san u. Petru a myit mang ai lam hpe sharai ya na matu, Yesu gaw myit sumru yu na ga san ni hpe san nna, jaw ai mahtai lu hkra karum ya wa ai. (Mah. 17:24-26) Marai langai hpe jaw ai hku myit la wa hkra karum ya na matu, gara sumru na ga san ni hpe nang san mayu ai kun?

  • Madat nga ai wa hpe shakawn ya u. Laika ka ai sara gaw ‘kunghpan ai myit hte htan’ ai hpang, Yesu shi hpe shakawn wa ai. (Mar. 12:34) Marai langai mahtai jaw ngut ai hpang, nang gara hku shakawn ging ai kun?

YESU GALAW WA AI BUNGLI HPE GALAW U​—⁠SHARIN ACHYIN YA U NGU AI, VIDEO HPE YU NGUT AI HPANG, NDAI GA SAN NI HPE HTAI U:

  • Sharin ya ai lam jaw nga yang pyi, ndai hku sharin ya ai gaw hpa majaw tang n du ai kun?

  • Sharin ya ai lam ni hta n-ga, hpa majaw sang lang dan ra ai kun?

DAW LAHKAWNG HPE YU NGUT AI HPANG, NDAI GA SAN NI HPE HTAI YU U:

  • Akyu nga ai ga san ni hpe hpunau gara hku san wa ai kun?

  • Shi a sharin ai lam kaw nna, anhte hpa kasi la mai ai kun?

Kaga masha ni hpe sharin ya ai kaw nna anhte hpa akyu lu ai kun? (Luk. 24:32)