Content de lai

Malawm Ni Hpe Lai U

 HKRISTAN PRAT HKRUN LAM

“Na Nnu Yan Nwa Hpe Hkungga Lara Di U”

“Na Nnu Yan Nwa Hpe Hkungga Lara Di U”

“Na Nnu Yan Nwa Hpe Hkungga Lara Di U” ngu ai ga hpe, Yesu mungkan hta nga ai shaloi, ahkyak shatai tsun ai. (Pru 20:12; Mah. 15:4) Ramma langai hku nna, shi kanu yan kawa a ga madat nna, “shan a npu e shi taw nga ai” majaw, Yesu dai hku lu tsun ai re. (Luk. 2:51) Masha kaba langai hku nna mung, shi si ai hpang kanu hpe lanu lahku ya na matu htet wa ai.​—⁠Yaw. 19:26, 27.

Dai ni aten hta mung, Hkristan ramma ni gaw kanu kawa ni a ga madat let, hkungga lara ai lam madun nga ai. Anhte a kanu kawa ni hpe hkungga ai lam madun na matu, aten masat da ai lam n nga ai. Kanu kawa ni asak kaba mat yang pyi, anhte matut nna hkungga ai rai yang, shanhte a machye machyang kaw nna akyu lu na re. (Ga Sha. 23:22) Asak kaba ai kanu kawa ni a myit masa hte hkum hkrang masa ni hpe, lanu lahku ya ai hku nna mung, hkungga mai ai. (1 Tim. 5:8) Anhte asak kaji tim kaba tim, kanu kawa ni hte kaja ai matut mahkai lam galaw ai hku nna, shanhte hpe hkungga lu ai.

WHITEBOARD ANIMATION RE AI, NU YAN WA HTE GARA HKU TSUN SHAGA RA NA KUN? NGU AI VIDEO HPE MADUN NGUT AI HPANG, LAWU NA GA SAN NI HPE HTAI U:

  • Na nu yan wa hte tsun shaga na matu hpa majaw yak chye ai kun?

  • Na nu yan wa hte tsun shaga ai shaloi gara hku hkungga mai ai kun?

  • Kanu kawa ni hte tsun shaga na matu shakut ai gaw, hpa majaw akyu nga ai kun? (Ga Sha. 15:22)

    Na prat awng dang lu hkra kanu kawa ni lu tsun dan ai