Content de lai

Malawm Ni Hpe Lai U

 HKRISTAN PRAT HKRUN LAM

Hkaw Tsun Bungli Hta Grau Kaja Hkra Galaw Ai Lam​—Ra Ang Ai Hku Galai Shai U

Hkaw Tsun Bungli Hta Grau Kaja Hkra Galaw Ai Lam​—Ra Ang Ai Hku Galai Shai U

HPA MAJAW AHKYAK: Namman chya hkrum ai ni hte sagu kaga ni gaw “manu jahpu n hkrat ai sha, asak ntsin lu la” na matu masha yawng hpe saw shaga nga ai. (Shr 22:17) Ndai ga shadawn hka gaw, madat mara ai masha ni hpe yubak hte si ai kaw nna hkye la na matu, Yehowa lajang ya ai lam yawng hpe tsun ai re. Nawku htung, htung lailen amyu myu nga ai masha ni hpe karum ya na matu, “htani htana a kabu gara shi ga” hpe marai langai hpra hkap la mayu wa hkra anhte galaw ra ai.​—Shr 14:6.

GALAW MAI AI LAM:

  • Na a hkaw tsun lawk hta nga ai masha ni a myit masin hpe, hkra ya lu ai madung lam hte Chyum daw hpe lata u. Tsun shaga ladat (sh) nang galaw wa ai ni kaw na akyu lu wa ai ladat ni hpe mai lata ai. Gara lam, gara Chyum daw ni hpe masha ni hkap la loi ai kun? Ndai laman, masha ni tsun ai, myit ai shiga nnan ni nga ai kun? Masha langai hpra a myit lawm ai hta hkan nna hkaw tsun lu na kun?

  • Na a buga hta galaw ai shachyen shaga ai lam hte htung lai ni hpe galaw u.​—2Ko 6:3, 4

  • Myit lawm ai wa hpe garan na matu, Sharin Achyin Hkingrai hta na video ni hte laili laika ni hpe atsawm chye hkra galaw u

  • Na a hkaw tsun lawk hta hkrum chye ai masha ni a amyu ga hte laili laika ni, video ni hpe download galaw da u

  • Nta madu a ra kadawn ai hta hkan nna, madung lam hpe galai shai u. (1Ko 9:19-23) Ga shadawn, ya hte sha marai langai ngai si mat ai hpe hkrum nga ai nta madu hpe nang hpa lam tsun dan na kun?

VIDEO HPE YU NGUT AI HPANG LAWU NA GA SAN NI HPE HTAI U:

  • Hkaw tsun masha gaw nta madu hte gara lam hpe shawng bawngban ai kun?

  • Nta madu a prat hta hpa ni hkrum wa ai kun?

  • Ndai masa hta gara Chyum daw gaw kaja htum rai na kun? Hpa majaw kun?

  • Masha ni hkap la mayu hkra, hkaw tsun ladat hpe gara hku galai shai lu na kun?