Content de lai

Malawm Ni Hpe Lai U

 HKRISTAN PRAT HKRUN LAM

Yehowa Hpe Tsawra Ai Ni Hte Sha Aten Jahtum U

Yehowa Hpe Tsawra Ai Ni Hte Sha Aten Jahtum U

Anhte gaw Yehowa hpe tsawra ai ni hte sha hpa majaw aten jahtum ging ai kun? Hpa majaw nga yang, anhte kanawn ai masha ni gaw kaja ai hku mung, n kaja ai hku mung anhte hpe shingkang ka-up lu ai majaw re. (Gsh 13:20) Ga shadawn, Hkawhkam Yosha gaw Hkinjawng Agyi Yehoiada hte kanawn ai aten ni hta gaw “Yehowa man e ding man ai amu galaw” wa ai. (2Hl 24:2) Yehoiada si mat ai hpang, Yosha gaw n kaja ai kanawn manang ni a majaw, Yehowa hpe kau da mat ai.​—⁠2Hl 24:17-19.

A.D. tsaban langai hta, kasa Pawlu gaw Hkristan nawku hpung hpe “galu kaba ai nta” hte shingdaw nna, nawku hpung masha ni hpe gaw ban hka wan (sh) nta a arung arai ni hte shingdaw tsun wa ai. Anhte gaw, Yehowa n ra sharawng ai ni hpe galaw ai nta masha ni (sh) nawku hpung kaw na ni hte kanawn mazum ai lam hpe koi yang, “amu kaja shagu a matu hkyen da ai arawng lu ai” masha ni byin lu na re. (2Tm 2:20, 21) Dai majaw, Yehowa a magam gun na matu n-gun jaw ai ni, Yehowa hpe tsawra ai masha ni hte sha matut nna manang galaw ging ai.

N KAJA AI KANAWN MANANG NI HPE NYET KAU NA MATU SHARIN LA U VIDEO HPE YU NNA, LAWU NA GA SAN NI HPE HTAI U:

  • Anhte a prat de n kaja ai manaw manang ni gara lam ni hku nna shang wa chye ai kun?

  • Ndai video hta, n kaja ai manang ni hpe n kanawn na matu, hpunau nauna ni hpe hpa gaw karum ya wa ai kun?

  • Manaw manang hpe hpaji rawng ai hku lata na matu, gara Chyum Laika npawt tara ni gaw karum ya lu ai kun?

Ngai gaw “amu kaja shagu a matu hkyen da ai arawng lu ai wa” re ai kun?​—⁠2Tm 2:21