Content de lai

Malawm Ni Hpe Lai U

 HKRISTAN PRAT HKRUN LAM

Aten Kadun Ningshawng Galoi Galaw Lu Na Kun?

Aten Kadun Ningshawng Galoi Galaw Lu Na Kun?

Yehowa a masha ni gaw shawang myit hte magam gun na lam, Ezekela a shingran hta mu ai nawku htingnu gaw madun nga ai. Shakawn hkungga hpe ngai gara hku sak jaw mai a ta?​—Heb. 13:15, 16.

Kaja htum lam langai gaw, aten kadun ningshawng galaw ai lam re. 2018 magam shaning hta Kru Ya hte Laban, bat manga lawm ai shata law law nga ai. Dai gaw, aten tup kanbau bungli galaw nna, kru ya hte laban sha hkaw tsun lu ai ni a matu ahkaw ahkang kaba re. Dai hta n-ga, hkaw tsun masha ni mung, hpung kawan ai aten ni hte March, April shata ni hta hkying hkum 30 (sh) 50 galaw na matu lata mai ai.

Anhte a masa gaw, aten kadun ningshawng n lu galaw yang gara hku kun? Anhte a hkaw tsun bungli hta grau shang lawm nna, hkaw tsun atsam grau rawt jat wa hkra shakut mai ai. Anhte a masa gara hku mi raitim, 2018 magam shaning hta Yehowa hpe tsawra ai majaw, kaja htum sak jaw mayu na re.​—⁠Hos. 14:2.

Sabina Hanandet a myit rawt ai lam hpe ngai gara hku kasi la mai a ta?

Yehowa Hte Rai Yang Yawng Hpe Dang Di Lu, Ngu Ai Video Hpe Yu Ngut Ai Hpang, Ndai Ga San Ni Hpe Htai U:

  • Sabina hpe Yehowa a magam gun na matu hpa gaw shadut ya ai kun?

  • Sabina a kasi gaw nang hpe gara hku n-gun jaw ai kun?

  • 2018 magam shaning ladaw, gara shata ni hta nang aten kadun ningshawng galaw lu na kun?