Content de lai

Malawm Ni Hpe Lai U

 HKRISTAN PRAT HKRUN LAM

Hkaw Tsun Ai Hte Sharin Ya Ai Gaw​​—⁠⁠Sape Shatai Ai Hta Ahkyak

Hkaw Tsun Ai Hte Sharin Ya Ai Gaw​​—⁠⁠Sape Shatai Ai Hta Ahkyak

Yesu gaw shi hpang hkan ai ni hpe, sape shatai ai bungli galaw na matu matsun wa ai. (Mat 28:19) Dai hta, hkaw tsun ai hte sharin achyin ai lam lawm ai. Anhte gaw aten shagu, tinang hkum tinang ndai hku san ging ai, ‘Ndai ahkyak ai sape shatai ai bungli hta grau rawt jat hkra gara hku galaw na kun?’

HKAW TSUN AI LAM

Kaga masha ni anhte hpang de sa wa ai hpe la nga na malai, anhte mahtang myit rawt let ‘ging dan ai’ ni hpe tam ra ai. (Mat 10:11) Hkaw tsun bungli hta shang lawm ai shaloi, kaga masha ni hte “tsun dan hkat” na matu ahkaw ahkang tam ai kun? (Kas 17:17) Hkaw tsun bungli hta, kasa Pawlu shakut ai majaw, Ludi gaw sape langai tai wa ai.​—⁠Kas 16:13-15.

“Jahpawt jau jau e nli gat u; shana aten hta mung, n gat ai, hkum nga et” (Hpj 11:6)

“SHANI SHAGU” MATUT HKAW TSUN NGA U​—⁠MASAT KAMAN HTE NTA LANGAI HPANG LANGAI, NGU AI VIDEO YU NGUT AI HPANG LAWU NA GA SAN NI HPE HTAI U:

  • Shani shagu bungli galaw ai shara hta, teng man ai tara nli gat na matu myit rawt ai lam Samuel gara hku madun ai kun?

  • Hkaw tsun ladat yawng hte anhte hpa majaw hkaw tsun ging ai kun?

  • Shani shagu kadai hpe Mungdan shiga tsun dan lu na kun?

SHARIN ACHYIN AI LAM

Sape shatai lu hkra, kaga masha ni hpe laili laika garan ai hta n-ga anhte galaw ra ai. Shanhte wenyi lam hta rawt jat wa hkra karum na matu, bai kawan ai lam ni hte Chyum ga sharin lamang ni hpe anhte galaw ra ai. (1 Ko 3:6-9) Kaga masha ni hpe Mungdan a teng man ai tara a lam, shakut shaja sharin ya tim, akyu nau n lu yang gara hku kun? (Mat 13:19-22) Anhte gaw, “ga kaja” hte bung ai salum nga ai ni hpe matut tam ging ai.​—⁠Mat 13:23; Kas 13:48.

“Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai” (1 Ko 3:6)

“SHANI SHAGU” MATUT HKAW TSUN NGA U​—⁠SHAWA HPAWNG MAN HTE SAPE SHATAI AI LAM, NGU AI VIDEO HPE YU NGUT AI HPANG LAWU NA GA SAN NI HPE HTAI U:

  • Ezekiel hte Abigail a myit hta na teng man ai tara nli hpe, Solomon hte Mary gara hku hka jaw wa ai kun?

  • Shawa hpang man sakse hkam ai lam hte hpawn hkaw tsun magam a ladat amyu myu hta shang lawm ai a yaw shada lam gaw hpa rai ging ai kun?

  • Kaga masha ni hpe teng man ai lam sharin ya ai gaw, ahkyak ai lam gara hku madun na kun?