Content de lai

Malawm Ni Hpe Lai U

 HKRISTAN PRAT HKRUN LAM

Shanhte Hpe Alum Ala Hkap Tau La U

Shanhte Hpe Alum Ala Hkap Tau La U

Kadai ni hpe kun? Anhte a Hkristan zuphpawng de shawng nnan sa ai ni, jinghku ni yawng hpe re. (Rom. 15:7; Heb. 13:2) Kaga mungdan kaw na sa chyai ai hpunau nauna ni (sh) wenyi lam hta katsi mat ai Hkristan ni rai yang mung hkap tau la ra ai. Nang dai zawn hkap tau hkrum yang, gara hku hkam sha na hpe myit yu u. Dai hpe nang grai manu shadan na re. (Mah. 7:12) Dai majaw, zuphpawng n hpang shi ai aten hte ngut ai aten ni hta kaga masha ni hte shaga lu na matu, Nawku Htingnu de shakut sa na n rai ni? Ndai hku tsawra myit hte hpring nga ai masa gaw, Yehowa hpe shakawn nga ai re. (Mah. 5:16) Du sa wa ai ni yawng hte shaga na gaw n mai byin ai. Raitim, anhte yawng gaw tinang maga na shawng galaw ai nga yang, masha yawng alum ala hkam sha lu na re. *

Alum ala hkap tau ai lam hpe Myit Dum Poi zawn laksan aten ni hta n-ga, aten shagu madun ra ai. Hkristan tsawra myit madun ai hpe masha nnan hkrum ga ai nga yang, san seng ai nawku dawjau lam hta, anhte ni hte rau Karai Kasang hpe shakawn wa na re.​​—⁠⁠Yaw. 13:35.

^ စာပိုဒ်၊ 3 Hpung kaw na shapraw da hkrum ai wa, tinang hkrai hpung hte kanawn mazum jahkring kau ai ni zuphpawng sa lung yang Chyum Laika tara hte maren n mai tsun shaga ai.​​—⁠⁠1 Kor. 5:11; 2 Yaw. 10.