Content de lai

RAMMA NI A GA SAN

Kanu Kawa ni jahkrat ai tara ni hpe ngai gara hku mu ging ai kun?

Kanu Kawa ni jahkrat ai tara ni hpe ngai gara hku mu ging ai kun?

Nta wa mayu ai aten hta wa, hpun mayu ai hku hpun, sa mayu ai de manang ni hte rau sa lu ai ramma ni hpe nang chye na re. Kanu kawa ni gaw, bungli grai law ai majaw ma ni galaw nga ai lam ni hpe n sadi hkrup ai rai na re.

Ma ni hpe dai hku sha dat da ai rai yang, hkra machyi lam ni sha byin na ngu nna Chyum Laika hta tsun da ai. (Ga Shagawp 29:15) Ndai mungkan kaw mu lu nga ai tsawra myit n rawng ai lam ni gaw, tinang a akyu hpe chyu sha myit ai masha ni a majaw re. Dai zawn masha ni gaw, rit kawp tara ni, masat da ai tara ni n nga ai nta hta nga kaba wa ai ni re.​—2 Timohti 3:1-5.

Tinang galaw mayu ai hku galaw lu ai ramma ni hpe manawn ai myit hkum nga. De a malai, na a nu wa ni gaw nang hpe tsawra ai majaw tara ni jahkrat da ya ai hpe chye na hkra shakut u. Akyu lu shangun ai tara ni hpe jahkrat da ya ai hku nna, kanu kawa ni gaw Yehowa hpe kasi la nga ai re. Karai Kasang Yehowa gaw shi a amyu masha ni hpe ndai hku tsun ai:

“Ngai nang hpe sharin ya nna, nang sa wa na lam madun ya na nngai, Nang hpe mada let hpaji daw ya na nngai.”​—Shakawn 32:8.