Content de lai

Yakhkak Jamjau Ai Lam Yawng Gaw Satan A Majaw Kun?

Yakhkak Jamjau Ai Lam Yawng Gaw Satan A Majaw Kun?

Chyum Laika Mahtai

Satan gaw teng sha nga ai wa re. Shi gaw atsam kaba ai nhkru n kaja ai wuhpung wuhpawng kaw na ningbaw langai hte bung ai. “Masu ai mauhpa amyu myu” hte “hkalem hkalau ai amyu shagu” hpe lang nna shi myit ra ai hku byin hkra galaw ai nga nna Chyum Laika hta tsun da ai. Dai sha n-ga, ‘Satan gaw nhtoi hta na lamu kasa zawn hpyi hpun chye nga ai’ nga nna mung tsun da ai. (2 Htesaloni 2:9, 10; 2 Korinhtu 11:14) Shi a majaw byin wa ai hten za ai lam ni hpe yu yang, Satan nga ai hpe chye lu ai.

Raitim, yakhkak jamjau ai lam ni yawng gaw Satan a majaw n re. Hpa majaw kun? Karai Kasang gaw masha hpe hpan ai shaloi, kaja ai hte n kaja ai hpe chye ginhka lu ai atsam jaw da ai. (Yawshu 24:15) Anhte ni gaw n kaja ai hpe lata na nga yang, n kaja ai akyu ni sha dan la lu na re.​—⁠Galati 6:7, 8.