Content de lai

Nang Si Yang Hpa Byin Mat Ai Kun?

Nang Si Yang Hpa Byin Mat Ai Kun?

Chyum Laika Mahtai

“Hkrung nga ai ni gaw, tinang si na hpe chye nga ma ai: si mat ai ni chyawm gaw hpa n chye ma ai” nga nna Chyum Laika hta tsun da ai. (Hpaji 9:5; Shakawn 146:4) Dai majaw, anhte si mat yang, tsep kawp n nga sai. Si mat ai ni gaw myit mang ai lam, galaw ai lam, hkamsha ai lam ni hpa mung n nga sai.

“Ga yun bai tai na rin dai”

Adam hpe Karai Kasang tsun wa ai lam kaw nna, anhte si mat yang hpa byin na hpe chye lu ai. Adam madat mara ai lam n nga ai majaw, Karai Kasang shi hpe ndai hku tsun wa ai: “Nang ga yun rai nga ndai rai nna, ga yun bai tai na rin dai.” (Ningpawt 3:19) Adam hpe “ga yun” hte Karai Kasang n hpan shi yang, Adam ngu ai n nga wa ai. (Ningpawt 2:7) Dai hte maren, Adam si mat ai shaloi, ga yun bai tai mat nna tsep kawp n nga sai.

Dai ni na aten hta mung, masha ni si mat yang ga yun bai tai mat nna tsep kawp n nga sai. Chyum Laika hta masha ni, dusat ni hte seng nna ndai hku tsun da ai: “Yawng hte gaw ga nhpu na rai nga ai hte ga nhpu de bai nhtang wa na ma ra ai.”​—⁠Hpaji 3:19, 20.

Si hkrung si htan ngu ai gaw yawng mayawng a jahtum n re

Chyum Laika hta si mat ai hpe, yup pyaw ai hte shing daw da ai. (Shakawn 13:3; Yawhan 11:11-14; Kasa 7:60) Grai yup pyaw nga ai masha langai gaw, shi a makau hta hpa byin nga ai hpe n chye ai. Dai hte maren, si mat ai ni mung hpa hpe mung n chye sai. Raitim, yup pyaw ai ni hpe bai jasu la ai zawn, Karai Kasang mung si mat wa sai ni hpe asak bai jahkrung ya na ngu nna, Chyum Laika hta ga sadi jaw da ai. (Yoba 14:13-15) Karai Kasang bai jahkrung ya na ni a matu, si hkrung si htan gaw prat a jahtum n re.